Ministrat e Financave të eurozonës takohen për Greqinë

11 Maj 2015, 07:32, Kosova & Bota CNA

Politikanët grekë thonë se janë shpresëplotë se ministrat e eurozonës do të njohin progresin fiskal që vendi i tyre ka bërë deri më tani. Ministrat e Financave të zonës euro mblidhen për të vijuar negociatata në lidhje me një marrëveshje që nëse miratohet, mund të lëvrojë miliradë fonde të ndihmës financiare për Greqinë, e cila aktualisht ndodhet në gjendje të vështirë për likuiditet.
Autoritete greke nga ana e tyre thonë se do të respektojnë pagesën prej
750 milionë eurosh që duhet të japin deri të martën për Fondin Monetar Ndërkombëtar.
Gjithsesi, nuk pritet që bisedimet e së hënës të kenë ndonjë arritje të rëndëssihme pasi shumë çështje të rëndësishme kanë mbetur pa zgjidhje.
Qeveria e radikalëve të majtë në Greqi ka thënë se nuk do të shkelë premtimet elektorale, diçka qe e ka vënë në kundërshti me kreditorët europianë. Greqia ka kohë deri në qershor të arrijë marrëveshje për një reformë të re me kreditorët, pasi deri në këtë kohë është shtyrë afati i paketës së ndihmës financiare. Kryeministri grek, Aleksis Cipras raportohet t?i ketë thënë kabinetit që Europa duhet të njohë reformat ekonomike që Greqia ka kryer. ?Ne duam një konfirmim të qartë të progresit që është bërë?, tha ai në një takim të qeverisë. ?Kemi bërë progres, por nuk jemi shumë afër një marrëveshjeje?, tha shefi i eurogrupit, Jeroen Dijsselbloem për gazetën italiane Corriere della Sera. Korrespondentët thonë se që nga janari kur Qeverinë greke e drejtojnë të majtët e Syrizës, ata kanë deklaruar se ka mënyra të tjera për të mbledhur para. Por, një gjë e tillë nuk i ka bindur kreditorët, e për këtë shkak ka ndodhur edhe ky ngërç që vijon në marrëdhëniet mes qeverisë greke dhe huadhënësve, që e ka çuar gjendjen e financave greke në limit. Presioni mbi Qeverinë greke për të arritur marrëveshje është i pamasë. Por, nëse e vetmja marrëveshje e mundshme do të jetë ajo e shkeljes së shumë premtimeve elektorale, Qeveria mund të përballet me rebelim brenda partisë së sak. Kjo mund të thotë thirrje e referendumit në Greqi për marrëveshjen finale, që mund të kthehet në një votë nëse vendi do të qëndrojë apo do të dalë nga zona euro, duke falimentuar. Ministtrri grek i Financava, Janis Varufakis pranon se nuk ka marrëveshje të shpejtë dhe e delegon atë në kuadër të pak javëve.