web counter
LEXO PA REKLAMA!

SHKARKO APP

App Store
Google Play

Merkel takon Putin në Moskë, një ditë pas Paradës

10 Maj 2015, 13:57, Kosova & Bota CNA

Kancelarja gjermane, Angela Merkel, dhe presidenti i Rusisë, Vladimir Putin, kanë zhvilluar bisedime në Moskë, pasi kanë vënë kurora me lule te Varri i Ushtarit të Panjohur në një vizitë të kancelares gjermane, e cila nuk kishte pranuar më herët ftesën për të marrë pjesë në Paradën e Fitores.

Vizita e Merkelit në kryeqytetin rus është parë si një gjest kompromisi.
Merkel, ashtu si dhe udhëheqës të tjerë perëndimorë, ka bojkotuar paradën ushtarake në Sheshin e Kuq të Moskës – e cila është mbajtur më 9 maj, për të shënuar 70-vjetorin e fundit të Luftës së Dytë Botërore – për shkak të rolit të Rusisë në konfliktin në lindje të Ukrainës.

?Kemi mësuar nga përvoja e hidhur e historisë sonë se është e nevojshme të punojmë së bashku, të bashkëpunojmë edhe për situata të vështira, siç është situata aktuale, dhe të bëjmë përpjekje që të gjejmë zgjidhje diplomatike?, ka thënë Merkel.

Putin, në anën tjetër, ka bërë thirrje për zgjidhje të shpejtë të ?problemeve? midis Rusisë dhe Gjermanisë.

?Ka disa probleme sot (në marrëdhëniet midis Rusisë dhe Gjermanisë). Sa më shpejt që këto probleme të pushojnë, ashtu si dhe efekti i tyre negativ në zhvillimin e marrëdhënieve tona, aq më mirë. Ne e synojmë këtë?, ka thënë Putin.





Lajmet e fundit nga