Si të ndaloni diabetin në hapat e para

9 Maj 2015, 17:19, Lifestyle CNA

Kur mjeku ju thotë se keni paradiabet, mund të mendoni se nuk ka asnjë arsye për të marrë masa në moment. Ose mund të supozoni se patjetër do të keni diabet në të ardhmen. Por nuk është kështu! Ju keni nevojë që t’a trajtoni paradiabetin seriozisht. Qëllimi është që niveli i sheqerit në gjak të dalë nga zona e paradiabetit dhe për t’a mbajtur atë në vlera normale.

Çfarë bëni çdo ditë, bën një dallim të madh. Ndryshimi në stilin e jetesës mund të jetë edhe më i fuqishëm se sa vetëm marrja e barnave.
Në një studim të quajtur ?Programi për Parandalimin e Diabetit?: Njerëzit me paradiabet që kanë humbur një sasi të vogël të peshës përmes dietës dhe ushtrimeve prenë mundësitë e tyre për të marrë diabet të tipit 2 me 58%, krahasuar me 31% të njerëzve që morrën vetëm recetë për medikamentin Metformin. Filloni duke bërë këto tri ndryshime:

1. Humb peshën ekstra.
Nëse jeni mbipeshë, dobësimi është çelësi për të kthyer mundësitë në favorin tuaj. Hulumtimet tregojnë se dobësimi me vetëm 5% deri 10% të peshës së trupit, është shpesh i mjaftueshëm që niveli i sheqerit në gjak të kthehet në vlerë normale dhe për të shmangur diabetin ose të paktën të vononi fillimin e tij.
Për të arritur qëllimin, kufizoni madhësinë e porcioneve; ulni kaloritë; dhe hani më pak ushqime që janë të larta në yndyrë, sheqer dhe karbohidrate. Gjithashtu duhet të hani një shumëllojshmëri frutash, perimesh, proteina të dobta dhe drithëra.

2 Bëni ushtrimet fizike një zakon.
Jeta aktive është një domosdoshmëri. Synimi është 30 minuta në ditë aktivitet aerobik për 5 ditë në javë. Plus, të bërit stërvitje force, si ngritje peshash ose përdorim të shiritave të rezistencës, të paktën dy herë në javë. Forca punon për forcimin e muskujve, e cila ndihmon për uljen e nivelit të sheqerit në gjak, ndihmon trupin t?i reagojë më mirë insulinës dhe djeg kalori edhe kur nuk jeni në lëvizje.

3. Nëse pini duhan, ndalojeni.
Pirja e duhanit është e lidhur fort me diabetin: Njerëzit që pijnë duhan kanë 30% deri në 40% më shumë mundësi për të zhvilluar diabetin e tipit 2 se sa ato që nuk pijnë. Dhe njerëzit me diabet të cilët vazhdojnë pirjen e duhanit kanë më shumë gjasa për të zhvilluar komplikime të tilla si sëmundje të zemrës dhe verbim. Pra, sa më shpejt ta lini cigaren, aq më mirë.

Kur keni nevojë për ilaçe?
Ndërsa ndryshimet në stilin e jetesës mund të punojnë për mrekulli, disa njerëz me paradiabet kanë nevojë gjithashtu për ilaçe.
Mjeku mund t?ju japë metformin në se keni disa faktorë rreziku, siç janë nivelet e ulëta të kolesterolit HDL, triglyceride të larta, një prind ose vëlla me diabet, ose jeni mbipeshë. Nëse merrni metformin, do ju duhet të konsultoheni me mjekun vazhdimisht. Gjithashtu do t?ju duhet të mbani një mënyrë jetese të shëndetshme.