Dollitë

9 Maj 2015, 16:00, Lifestyle CNA

Dollitë mund të shkojnë nga ato më rutinë ? ?Për ne!?, gjer tek ato më prekëse ? një homazh që mund të bëjë edhe burrat të qajnë. Më poshtë është një udhëzues për bazat e dollisë:

Në një drekë, darkë, koktej apo pritje solemne, është e drejtë e posaçme për nikoçirin apo zonjën/zotëriun e shtëpisë për të dhënë dollin e parë.

Në qoftë se nikoçiri nuk ofronë dolli, një mysafir mund të bëjë një dolli si përshëndetje për mysafirët.

Zakonisht, dollija bëhet menjëherë pasi është shërbyer vera, shampanja, apo pije të tjera.

Shërbimi i pijeve për dolli bëhet në fillim të drekës/darkës apo para ëmbëlsirës, varësishtë nga organizimi.

Personi që bënë dolli qëndron ne këmbë, ose ngrit gotën dhe e kërkon vëmendjen e të gjithëve para nisjes së dollisë.

Në përfundim të dollisë, të gjithë, me përjashtim mysafirit te nderit për te cilin bëhet dollija, ngrisin gotat e tyre dhe pijnë.

Nuk ka nevojë që pija në gotë të pihet e tëra pas dollisë ? një gllënjkë mjafton.

Për të bërë dolli, pija jo domosdoshmërishte duhet të jetë alkoolike.

Mysafiri i nderit apo i nderuari, pranon dollinë me një buzëqeshje apo/ dhe lëkundje te lehtë te kokës.

Mysafiri i nderit apo i nderuari, gjithashtu mund të përgjigjet duke kthyer një dolli.

Nëse ju jeni mysafiri i nderit apo i nderuari, nuk ngritni gotën tuaj dhe nuk pini një gllënjkë me të tjerët. Nëse bëni këtë do të thotë që ju jeni duke bërë dolli dhe nderuar veten. Thjesht buzëqeshni me një lëkundje te lehtë të kokës, ose thoni ?Falemnderit?. Vendosni gotën tuaj në tryezë dhe absorboni ndjenjat e momentit.

Dolli e parapërgatitur

Nëse keni te bëni me një rast të veçant, dollija duhet përgatitur paraprakisht.

Këshillohet ta shkruani, lexoni dhe të pregatiteni mentalisht në mënyrë që kur të ngreni dollinë të mos humbasni pasin e fjalëve. Mbani dolli të shkurtër, pozitive, dhe me vend. Pak humor është i pranueshëm, por mbani atë të pastër, e jo humori te përmbaj tregime që mund të vënë në siklet mysafirin e nderit për të cilin bëhet dollia.

Dollija e nxitur nga momenti

Nëse situata apo rasti kërkon, është e bukur të bëhet një dolli joformale për miq të mirë rreth tavolinës. Këto dolli janë të shkurtëra dhe vijnë nga zemra. Nëse ju nuk dini ç?të thoni në këto raste, provoni të lidhni dollinë për rastin në fjalë. P.sh.

?Për Aidën ? një zonjë e frikshme në shikim të parë, por padyshim një kuzhiniere e shkëlqyer.?

?Për Adelinën: Urojmë që çdo ditëlindje të ju gjejë në mesin e miqve të mirë.?

?Për klasen 4, gjenerata e vitit 1994 ? më sharmantët e gjeneratës!?