E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ushqimet që ju ndihmojnë ta largoni lodhjen

17 Prill 2015, 12:00, Lifestyle CNA

Nëse keni menduar se çokollata, pijet energjike dhe prodhimet e ngjashme janë zgjidhje e menjëhershme për të rritur energjinë tuaj, atëherë keni gabuar rëndë. Këto ushqime nuk janë të rekomanduara, por ka nga ato që ndikojnë në mënyrë afatgjate për të rritur energjinë tonë. Dietologia Lee Holmes, ka zgjedhur ushqimet e mëposhtme natyrale që do të krijojnë entuziazëm shtesë për të përballuar një ditë të mundimshme.

– Kosi dhe djathi: Kosi dhe djathi përmbajnë probiotikë, baktere të mira që ndihmojnë organizmin për tretjen më të lehtë të ushqimit dhe forcimin e sistemit imunitar. Si shtesë në mëngjesin tuaj, do t?ju ndihmojnë për të marrë dozën e nevojshme ditore të kalciumit, kurse stomaku juaj do të jetë i shëndetshëm për shkak se do të keni tretje më të lehtë. Në këtë mënyrë, trupi juaj nuk do të funksionojë në mënyrë të ngadaltë dhe nuk do të pasojë lodhja pas ngrënies.

– Salmoni: Salmoni është i pasur me acide yndyrore të pangopura omega-3 që ndihmojnë në uljen e kolesterolit në trup duke parandaluar rrezikun e sëmundjeve të zemrës. Gjithashtu është i pasur me proteina, vitaminë B6 dhe niacinë, e cila ndihmon trupin tuaj për të kthyer ushqimin në energji.

– Kërpudhat: Një porcion kërpudha mundëson që në organizëm të hyjë 50 për qind e sasisë së rekomanduar ditore të hekurit, i cili është vendimtar në transferimin e oksigjenit në trup. Kur oksigjeni nuk qarkullon siç duhet në trup, vjen deri te lodhja, shkruan zeri.

– Spinaqi: Spinaqi është i pasur me hekur, magnez dhe kalium. Magnezi luan një rol kyç në rritjen e energjisë në trup dhe në kombinim me kaliumin stimulon tretjen dhe rregullon punën e sistemit nervor dhe muskujve.

– Farat: Nëse në ushqimin tuaj përfshini edhe një grusht fara, do të merrni 50 për qind të sasisë së rekomanduar ditore të magnezit. Si te spinaqi, magnezi forcon kockat, përmbajnë proteina dhe acide yndyrore të pangopura që ndihmojnë muskujt për të kryer siç duhet funksionet pa lodhje shtesë.

– Uji: Edhe pse kjo tingëllon si një klishe, uji është vërtet i pashmangshëm dhe shumë i domosdoshëm për organizmin e njeriut. Ai përmirëson të gjitha funksionet në trup sepse përcjell oksigjen të mjaftueshëm në të gjitha qelizat. Për femrat, konsumimi i rekomanduar ditor është tetë, kurse për meshkujt dhjetë gota ujë.

– Vezët: Një vezë përmban 30 për qind të sasisë së rekomanduar ditore të proteinave. Kjo në mënyrë të konsiderueshme përshpejton shërimin e muskujve pas ushtrimeve dhe menjëherë pas konsumimit krijon një ndjenjë të energjisë shtesë.