E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Përballeni me probleme familjare, ja si t’i zgjidhni

17 Prill 2015, 08:00, Lifestyle CNA

Problemet brenda familjes janë një e vërtetë e natyrshme e jetës. Në përgjithësi mosmarrëveshjet lindin mes problemit që hasim dhe gjendjes së dëshiruar. Për të zgjidhur një gjendje problematike duhet të përpiqemi të gjejmë alternativa të ndryshme në mënyrë të informuar dhe logjike, zgjedhja e zgjidhjes më të përshtatshme në mes këtyre alternativave quhet ?Zgjidhje e problemit?.

Zgjidhja e problemit është e lidhur me realizimin e këtyre pesë proceseve që ndjekin njëri-tjetrin dhe të cilat do t?i paraqesim në vazhdim të këtij teksti.

– Fokusohuni mbi problemin: Për të pasur një motivim të mirë në zgjidhjen e problemit personi duhet të jetë i gatshëm për të harxhuar energji dhe kohë duke rritur ndjeshmërinë ndaj problemit. Dëshpërimi dhe mërzitja e lindur nga eksperiencat e hidhura të jetuara në të kaluarën mund të pengojnë fokusimin.

– Përkufizoni problemin: Problemet sociale ashtu si problemet matematikore zgjidhen më mirë kur mendohen shkallë-shkallë, vlerësohen të njohurat dhe të panjohurat. Prandaj pikë së pari personi në fjalë duhet të njohë dhe vlerësojë mirë ndjenjat e veta dhe të pjesëtarëve të tjerë të familjes në lidhje me problemin, sjelljet dhe kufirin deri ku mund të shkohet.

– Gjeni alternativa: Do të thotë zgjedhja e më të mirës duke vlerësuar të gjitha mundësitë që ke përpara. Prisni për të marrë vendimin e duhur. Për t?u siguruar për efektivitetin e zgjidhjes së gjetur personi pasi të përcaktojë alternativat duhet të mendojë i qetë për pak kohë dhe të presë.

– Bëni një vlerësim të përgjithshëm rreth zgjidhjes: Duke u marrë me një situatë problematike shihni sesa efektive do jetë zgjidhja.

– Mos hyni në rrugë pa dalje: Përballja me një situatë të re, mungesa e njohurive dhe eksperiencës, pavendosmëria në zgjedhje, mosdallimi në mes të drejtës dhe të gabuarës, tensioni i vazhdueshëm brenda familjes dhe fajësimi i një personi, kujtimi i së kaluarës, ëndërrimi i tepruar, mendimi i zhytur në pesimizëm dhe mostregimi i një përpjekjeje për zgjidhjen e problemit të fut në një rrugë pa dalje dhe vështirëson zgjidhjen e problemit.

Pra, këto janë disa gjëra, apo më mirë thënë procese, të cilat duhet gjithsesi t?i keni parasysh nëse përballeni me probleme të caktuara familjare. Ajo që duhet të bëni ju është t?u përmbaheni me përpikëri këtyre dhe natyrisht t?i përvishni mëngët dhe të filloni zgjidhjen e problemeve të cilat e pengojnë jetën tuaj familjare.