web counter
LEXO PA REKLAMA!

SHKARKO APP

App Store
Google Play

E fundit!

x

Kandidimi i Clintonit/ Pacolli: Lajm i mirë për botën dhe shqiptarët

13 Prill 2015, 06:45, Aktualitet CNA

Behgjet Pacolli e ka cilësuar një lajm të madh zyrtarizimin e kandidaturës së Hillary Clinton për Presidente të SHBA-ve. Përmes një postimi në rrjetet sociale, Pacolli shprehet se kandidimi i ish-zonjës së parë amerikane është një lajm i madh për botën dhe veçanërisht shqiptarët.

Shkrimi i plotë i Behgjet Pacollit

Shpallja zyrtare e kandidaturës së zonjës Hillary Klinton është një lajm i madh jo vetëm për amerikanët dhe botën, por dhe për shqiptarët.

E vërteta është se midis dy administratave, asaj republikane dhe demokrate ka pasur vijimësi në sjelljen miqësore ndaj kombit shqiptar në përgjithësi dhe Kosovës, në veçanti. Por brenda kësaj vijimësie familja Klinton (Presidenti Bill Klinton dhe Sekretarja e shtetit, Hillari Klinton) shquhen posaçërisht.

Zonja Klinton është e lidhur emocionalisht me Kosovën dhe unë kam pasur rastin ta shoh, ta prek këtë në disa raste të takimeve të mia me të.

Populli amerikan e zgjedh vetë se kush do ta drejtojë në vitet e ardhshme. Por ne shqiptarët, diaspora jonë në SHBA, kemi shumë arsye themelore ta mbështesim konfirmimin e saj në krye të demokracisë më të madhe në botë. Kështu shprehja e saj në Parlamentin e Shqipërisë ?se bashkë do të jemi dhe në 100 vjetët e ardhshme?, ka më shumë kuptim.





Lajmet e fundit nga