web counter
LEXO PA REKLAMA!

SHKARKO APP

App Store
Google Play

Vjedhja më e madhe e bizhuterive në Londër, policia ende në kërkim të autorëve

13 Prill 2015, 05:46, Aktualitet CNA

Kanë kaluar tre ditë nga vjedhja e bujshme e gurëve të çmuar në rrugën e tregtimit të diamanteve në Londër, Hatton Garden, dhe policia ende kërkon bandën e grabitësve, prej të cilës nuk ka asnjë gjurmë. Angazhimi i forcave të rendit është maksimal, por tepër i vonuar. Në fakt, nga hetimet fillestare të ngjarjes, rezulton se policia e kryeqytetit britanik nuk i është përgjigjur alarmit, edhe pse ai ka rënë menjëherë për të njoftuar grabitjen.

Është ende shpejt për të pohuar nëse një përgjigje ndaj thirrjes do të kishte pasur efekt mbi grabitjen, thonë zyrtarët. Megjithatë, incidenti po hetohet me vëmendjen të përqendruar tek fakti që telefonata e kompanisë ‘Southern Monitoring Alarm’ është vënë në pritje, çka do të thotë se nga policia nuk pati gatishmëri përgjigjeje. Rindërtimi i ngjarjes nga zyrtarët vendas tregon se, grabitësit kanë përdorur pajisje të rënda prerëse për të hyrë në dhomën e sigurisë së Hatton Garden, ku besohet të kenë hapur 60 apo 70 kasaforta.

Vlera e bizhuterive të marra mendohet të mbërrijë në 300 milionë dollarë, çka lë në hije çdo grabitje tjetër të madhe të regjistruar ndonjëherë në Britani. Deri më tani, grabitja më e madhe në Britani konsiderohej ajo e depozitave të parave të Securitas në Tonbridge të Londrës në vitin 2006, kur u vodhën gati 77 milionë dollarë kesh.





Lajmet e fundit nga