web counter
LEXO PA REKLAMA!

SHKARKO APP

App Store
Google Play

Ulen interesat për bonot 12-mujore dhe 6-mujore

8 Prill 2015, 05:39, Ekonomi CNA

Interesat e bonove të thesarit regjistruan përsëri një ulje të lehtë në ankandet e kësaj jave. Sipas të dhënave nga Banka e Shqipërisë, bonot me maturim 12 mujor u emetuan me një interes mesatar të ponderuar prej 3.52%, nga 3.57% që kishte qënë interesi në ankandin e mëparshëm.
Ulje regjistruan edhe interesat e bonove me maturim 6-mujor, që u shitën në ankand me një interes mesatar prej 3.14%, nga 3.25% që kishte qënë interesi në ankandin e mëparshëm. Nga 14.9 miliardë lekë që ishte shuma e shpallur për financim, në ankande u paraqitën gjithsej oferta në vlerën e 19.3 miliardë lekëve.
Në ankandet e fundit të vitit 2014 dhe gjatë muajve të parë të këtij viti, në përgjithësi kishte pasur një ekulibër mes kërkesës dhe ofertës, madje në raste të veçanta qeveria nuk kishte arritur të siguronte të gjithë shumën e shpallur për financim. Por, në javët e fundit interesi i tregut për bono regjistroi rritje, çka u reflektua menjëherë në një ulje, sado modeste, të normave të interesit. Kjo tendencë përputhet me një ecuri më të ngadaltë të kreditimit në muajt e parë të vitit 2015, çka mund të ketë bërë që bankat të kanalizojnë më shumë fonde në tregun e bonove qeveritare.
Deri tani, tregu i bonove po përmbush pritshmëritë për interesa në rritje të lehtë, por pa amplituda të mëdha luhatjeje. Që nga fillimi i vitit, interesat e bonove 12 mujore janë rritur me afërsisht 0.3 pikë përqindje, ndërsa në javët e fundit ka regjistruar një korrigjim të lehtë në ulje.





Lajmet e fundit nga