web counter
LEXO PA REKLAMA!

SHKARKO APP

App Store
Google Play

Tkurren rezervat në valutë

7 Prill 2015, 07:22, Ekonomi CNA

Epoka dhjetë-vjeçare e karakterizuar nga rezerva në valutë të huaj e një pjese të madhe të bankave qendrore në mbarë globin duket se është drejt fundit.  Në muajin Mars të këtij viti, këto rezerva janë regjistruar në tkurrje për të prekur shifrën e 11.6 trilionë dollarëve. Muaji Gusht i vitit të shkuar shënon edhe kulmin në këtë drejtim, me rezervat që kapnin shifrën e 12.03 trilionë dollarëve. Rritja periodike ka filluar që prej vitit 2004. Ndërkohë rënia, i atribuohet forcimit të theksuar të dollarit amerikan, që ka dobësuar në mënyrë drastike vlerën e rezervave të tjera në valutë, kryesisht ato të monedhës së përbashkët europiane.
Gjithsesi, ka sinjale të qarta për një ndryshim të kursit nga ana e bankave qendrore në glob, kryesisht nga ato të vendeve në zhvillim, si Kina dhe Rusia. Këto dy të fundit gjatë dekadës së fundit kanë kontribuar mesatarisht në rritjen e rezervave në valutë të huaj me 824 miliardë dollarë secila. Tkurrja e rezervave, veçse rikthen dollarin amerikan si monedha dominante globale, paraqet edhe komplikacione të rëndësishme për tregjet globale, sidomos atyre në zhvillim.
Diçka e tillë do ta bëntë më të vështirë për këto vende lehtësimin sasior në mënyrë që të nxitet rritja. Vendet në zhvillim zotërojnë thuajse dy të tretat e rezervave globale në valutë të huaj. Në total këto vende gjatë tre-mujorit të fundit të vitit të shkuar kanë shitur rreth 54 miliardë dollarë nga rezervat e tyre në valutë. Kjo shifër shënon edhe një rekord që prej fillimit të krizës botërore në vitin 2008.
Kina udhëheq trendin në tkurrje, pasi mbetet vendi që ka shitur ka shitur rreth 200 miliardë dollarë në valutë të huaj gjatë 6 muajve të fundit. Rusia, Japonia dhe Arabia Saudite kanë pasur gjithashtu një rol kyç në tkurrjen e rezervave. Ky trend pritet të vazhdojë edhe për shumë gjatë, kryesisht për shkak të çmimeve në rënie të naftës si dhe rritjes anemike në vendet në zhvillim.





Lajmet e fundit nga