web counter
LEXO PA REKLAMA!

SHKARKO APP

App Store
Google Play

Obama vlerëson marrëveshjen me Iranin si historike

3 Prill 2015, 09:21, Kosova & Bota CNA

Presidenti amerikan, Barack Obama vlerësoi marrëveshjen për programin bërthamor të Iranit si një mirëkuptim historik i cili nëse zbatohet, do ta bëjë botën më të sigurtë.
Korniza e marrëveshjes, së arritur pas bisedimeve intensive, synon të parandalojë Teheranin nga ndërtimi i një arme bërthamore, në këmbim të lehtësimit të sanksioneve.
Irani dhe gjashtë fuqitë botërore të përfshira në bisedime tashmë duhet të finalizojnë mirëkuptimin në një pakt final. Iranianët ndërkaq e kanë festuar arritjen e marrëveshjes me dalje në rrugë, ndër Izraeli thotë se ajo kërcënon mbijetesën e këtij shteti.
?Kjo do të jetë një marrëveshje afatgjatë, që adreson të gjitha rrugët sesi mund të shmanget arma bërthamore?, deklaroi presidenti Obama në një deklaratë pas njoftimit të marrëveshjes.
?Nëse iranianët gënjejnë, bota do ta marrë vesh?, tha ai, duke shtuar se marrëveshja bazohet tek besimi por edhe në verifikimin e paprecedent. Ai tha se nëse marrëveshja finalizohet, ne do të jemi në gjendje të zgjidhim një nga kërcënimet më të mëdha për sigurinë dhe do ta bëjmë këtë në rrugë paqësore.
Sipas kushteve të marrëveshjes së publikuar nga departamenti Amerikan i Shtetit, Irani duhet të reduktojë numrin e centrifugave që mund të përdoren në pasurimin e uraniumit me synim ndërtimin e bombës, me dy të tretat e tyre. Teherani do të duhet të ridizenjojë centralet atomike në mënyrë që ato të mos jenë në gjendje të prodhojnë plutonium të gradës që përdoret për armë, do të jenë subjekte të inspektimeve të rregullta dhe bie dakord që të mos pasurojë uranium mbi 3.67 për qind, shumë më pak nga sa është e domosdoshme për ndërtimin e armës bërthamore, për të paktën 15 vjet.





Lajmet e fundit nga