web counter
LEXO PA REKLAMA!

SHKARKO APP

App Store
Google Play

E fundit!

x

Beograd/Gjykata shpall antikushtetuese marrëveshjen e Brukselit

1 Prill 2015, 12:20, Kosova & Bota CNA

Gjykata Kushtetuese e Serbisë e ka shpallur ?jokushtetuese? marrëveshjen e arritur në Bruksel ndërmjet delegacioneve të Kosovës dhe Serbisë për kalimin e kufirit, raportojnë mediat serbe.

Marrëveshja e arritur në vitin 2011 rregullon udhëtimin e njerëzve dhe mallrave ndërmjet Kosovës dhe Serbisë, por Partia Demokratike Serbe e ish kryeministrit Vojislav Koshtunica e ka dërguar këtë marrëveshje në Gjykatën Kushtetuese duke kërkuar anulimin e saj.

Por megjithëse e ka vlerësuar si jokushtetuese, Gjykata Kushtetuese e Serbisë, më 26 mars, vendosi ta refuzojë kërkesën për ta ndalur ekzekutimin e akteve individuale dhe veprimeve të ndërmarra bazuar në dekretin e qeverisë, thuhet në vendimin e kësaj gjykate.

B92 raporton se në arsyetimin e vendimit, Gjykata Kushtetuese ka thënë se ?dekreti përbën shkelje të rëndë të unitetit dhe integritetit territorial të Serbisë?.

Në këtë vendim, Gjykata Kushtetuese refuzoi një iniciativë për ta rishikuar kushtetutshmërinë e vendimeve për ta pranuar një raport nga dialogu i lehtësuar nga Bashkimi Evropian ndërmjet Prishtinës dhe Beogradit.

Gjykata gjithashtu refuzoi iniciativën për ta rishikuar kushtetutshmërinë e konkluzioneve të qeverisë të 22 prillit 2013 me të cilat pranohet Marrëveshja e Parë e Parimeve për Normalizi8min e Marrëdhënieve ndërmjet Prishtinës dhe Beogradit, e njohur si Marrëveshja e Brukselit.





Lajmet e fundit nga