web counter
LEXO PA REKLAMA!

SHKARKO APP

App Store
Google Play

Tabaku: Bllokimi i fondeve detyron banorët të vuajnë politikën e mbrapshtë

28 Mars 2015, 15:20, Aktualitet CNA

Deputetja e Partisë Demokratike Jorida Tabaku e shoqëruar nga ekipi i strukturave të njësisë 8 në kryeqytet ka vizituar banorët e kësaj zone.

Gjatë këtij takimi, banorët u shprehën se ndihen të harruar dhe të zhgënjyer nga premtimet për një jetë më të mirë.

Përmes një postimi në facebook,  Tabaku shkruan se  banorët e kësaj zone do të pësonin një zhvillim pozitiv me zgjatimin e Bulevardit të Tiranës dhe me rehabilitimin e Lumit, por me bllokimin e fondeve ata po vuajnë politikën e mbrapshtë.

?Sot, bashkë me ekipin e përkushtuar të strukturave të njësisë 8, vizitova zonat të cilat do të pësonin një zhvillim pozitiv me zgjatimin e Bulevardit të Tiranës dhe me rehabilitimin e Lumit. Një zonë e margjinalizuar për vite të tëra, e ndërtuar si një geto ku nuk ka pasur asnjë mundësi zhvillimi dhe e cila pritej të merrte hov me zgjatimin e bulevardit. Gjatë diskutimit me banorët dhe me firmën ndërtuese kishim rënë dakord që gjatë punimeve në këtë zonë do të ishin banorët e kësaj zone që do të përfitonin nga punësimi.

Mirëpo, bllokimi i fondeve për zgjatimin e Bulevardit, për hir të interesave politike po ndikon në gjendjen aktuale të kësaj zone e cila vazhdon të vuajë politikën e mbrapshtë. Ato ndjehen tanimë të harruar dhe të zhgënjyer nga premtimet për një jetë më të mirë, duke qenë se mundësinë e kishin për të zhvilluar këtë zonë të lënë tërësisht në mëshirë të fatit. Kjo është jeta e qytetarëve të vendit, të cilët nuk kanë më dëshirën për të duruar teatrot politikë të qeveritarëve që akuzojnë njëri tjetrin. Të cilët vuajnë përditë e më shumë harresën e qëllimshme. Mendoj që kjo është mënyra më e mirë për të dhënë kontribut në politikë?, u shpreh Tabaku.

 





Lajmet e fundit nga