web counter
LEXO PA REKLAMA!

SHKARKO APP

App Store
Google Play

E fundit!

x

Apple Watch do të parashikojë vdekjen

28 Mars 2015, 13:02, Aktualitet CNA

Ju mund të keni parë aplikacione në Facebook ose rrjete të tjera sociale që shfaqin datën kur do të vdisni. Këto aplikacione janë thjesht për lojë, pasi shfaqin një datë të zgjedhur rastësisht. Në fakt, është thuajse e pamundur parashikimi i ditës së vdekjes. Megjithatë, ekziston një aplikacion për orën e Apple-it, i cili ka marrë përsipër këtë sfidë, për t?ju treguar ditën tuaj të vdekjes. Life Clock, një aplikacion për Apple Watch, bën një parashikim të jetëgjatësisë tuaj duke grumbulluar të dhëna shëndetësore nga sensorët e Apple Watch. Ky aplikacion do të regjistrojë aktivitetin tuaj fizik dhe pastaj do të shtojë ose zbresë minuta nga koha që ju do të jetoni. Minutat do të shtohen tek ora juaj në rastet kur shkoni në palestre ose bëni aktivitete fizike, dhe do të zbriten kur flini shumë pak orë. Disa informacione do të sigurohen nga aplikacioni HealthKit ose aplikacione të tjera që përdoren për të mbledhur të dhëna për aktivitetin tuaj. Mund të duket e frikshme ideja që një pajisje ju kujton vazhdimisht vdekjen tuaj, megjithatë qëllimi i aplikacionit nuk është që të shkaktojë panik tek njerëzit, por që t?i motivojë ata të zgjedhin rrugën e drejtë në jetë. Aplikacioni ka si qëllim të ndihmojë njerëzit të marrin vendimet e duhura dhe të rrisin momentet e gëzueshme në jetët e tyre. ?E gjithë ideja është që të ndryshojmë mentalitetin tuaj,? tha për Mashable Tom Le Bree, themeluesi i Rehabstudio. ?Duam të inkurajojmë njerëzit që të marrin vendimet e duhura sot duke iu rikujtuar vazhdimisht se këto veprime do të kenë një ndikim nesër.?





Lajmet e fundit nga