Topalli: Rama të japë dorëheqjen, po bashkëqeverisë me krimin

28 Mars 2015, 12:18, Aktualitet CNA

Përmes një postimi në facebook, deputetja e Partisë Demokratike, Jozefina Topalli ka kërkuar dorëheqjen e Edi Ramës dhe kërkon qe kreu i qeverisë të mbajë premtimin e dhënë publikisht në janar të 2015-ës, se ai do të largohej nga detyra, nëse i verifikohej qoftë edhe 1 lidhje me krimin.

Topalli shkruan se kryeministri i Republikës është arkitekt dhe zbatues i platformës për të ardhur në pushtet me krimin dhe se tani është faktuar që ai ka qenë në dijeni, zyrtarisht, të identitetit të dyfishtë të deputetit të tij dhe kërkimit nga drejtësia belge për vrasje.

Sipas saj, fshehja e këtij dokumenti prej një viti, sic fshehu marrjen nën mbrojtje të trafikantit të drogës nga deputeti i tij, sic fsheh, edhe fakte të tjera të lidhjeve direkte me krimin, faktojnë të vërtetën e thënë prej Partisë Demokratike, që gjatë fushatës elektorale 2013, se Edi Rama u bë ortak me krimin për të ardhur në pushtet dhe për t’u pasuruar bashkë me krimin.

‘Edi Rama të japë dorëheqjen!

Edi Rama bashkëqeveris me krimin!

Edi Rama të ndiqet penalisht për pengim të drejtësië!

Është fakt i njohur botërisht se Edi Rama nuk i mban premtimet, se ai është mashtrues dhe i pafytyrë!

Fatkeqësisht, ai nuk është vetëm kaq!

Fatkeqësisht për vendin, Kryeministri i Republikës së Shqiperisë është arkitekti dhe zbatuesi i platformës për të ardhur në pushtet me krimin dhe për të bashkëqeverisur me krimin.

Pas publikimit te dokumentave zyrtarë të prokurorise belge, që provojne fjalë për fjalë cfarë i kemi thënë ne, Partia Demokratike, Edi Ramës, ai duhet të japë dorëheqjen!

Edi Rama duhet të japë dorëheqjen dhe të mbajë premtimin e dhënë publikisht në janar të 2015-ës, se ai do të largohej nga detyra, nëse i verifikohej qoftë edhe 1 lidhje me krimin. “Une nuk dija gjë”-sic ka deklaruar deri tani, në mënyrë të përsëritur, nuk i bën më punë.

Tani është faktuar që ai ka qenë në dijeni, zyrtarisht, të identitetit të dyfishtë të deputetit të tij dhe kërkimit nga drejtësia belge për vrasje. Fshehja e këtij dokumenti prej një viti, sic fshehu marrjen nën mbrojtje të trafikantit të drogës nga deputeti i tij, sic fsheh, besoj, edhe fakte të tjera të lidhjeve direkte me krimin, faktojnë të vërtetën e thënë prej Partisë Demokratike, që gjatë fushatës elektorale 2013,, se Edi Rama u bë ortak me krimin për të ardhur në pushtet dhe për t’u pasuruar bashkë me krimin.

A pres unë që Edi Rama ta mbajë premtimin? A pres unë që prokuroria të kërkojë arrestimin e kryeministrit për kryerjen e veprave penale që pengojnë drejtësinë, si psh. moskallëzim krimi dhe veprime që pengojnë zbulimin e së vërtetës? Jo! Unë nuk jam naive! Metastazat e bashkeqeverisjes me krimin kanë hyrë shumë thellë në Shqipëri.

Ajo që unë pres me shpresë dhe besim është vendimi i shqiptarëve për ta ndëshkuar me votë Rilindjen e Pushtetit të Krimit nëpërmjet Edi Ramës dhe Ilir Metës’ shkruan Topalli.