web counter
LEXO PA REKLAMA!

SHKARKO APP

App Store
Google Play

Hulumtimi i NDI: Taksa dhe çmime të larta

27 Mars 2015, 07:32, Ekonomi CNA

Ekonomia është shqetësimi kryesor i qytetarëve këtë vit. Një pjesë e konsiderueshme e tyre beson se gjendja ekonomike në vend është shumë problematike. Shumica e tyre shohin papunësinë si sfidën kryesore. Këto janë të dhënat e një hulumtimi të bërë nga Instituti Demokratik Amerikan (NDI) në 10 grupe të fokusuara në Tiranë, Elbasan, Shkodër, Fier dhe Korçë. Të ardhurat mesatare konsiderohen përgjithësisht si të pamjaftueshme për të mbuluar nevojat mujore bazë (ushqim, drita, ujë), dhe shpesh venë prindërit në vështirësi në kujdesjen për familjet e tyre, përfshirë këtu përballimin e arsimit të duhur për fëmijët.
Papunësia, pasiguria në punë dhe pagat e ulëta ngrihen nga pothuajse të gjithë pjesëmarrësit si shqetësime të mëdha dhe theksohet se përpjekjet nga ana e qeverisë janë të pamjaftueshme. Pjesa më e madhe e pjesëmarrësve i japin qeverisë përgjegjësinë kryesore për mbështetjen e punësimit në sektorin publik dhe nxitjen e punësimit në sektorin privat. Shumë prej pjesëmarrësve mendojnë se qeveria duhet të hapë fabrika në komunitetet e tyre për të garantuar rritjen e punësimit,sidomos për gratë dhe të rinjtë.
Disa pjesëmarrës gjithashtu mendojnë se qeveria duhet të ofrojë stimuj financiarë për bizneset private, si taksa të ulëta apo kredi me interesa të ulëta, çka do ti lejonte këto biznese të punësojnë më shumë njerëz. Të anketuarit e shohin qeverinë si përgjegjëse për rritjen e çmimit të ushqimeve dhe energjisë, si dhe rritjes së taksave dhe tarifave të arsimit ? shpesh duke iu referuar këtyre si premtime të pambajtura. Pjesëmarrësit pohojnë se rritja e çmimeve, kombinuar me pagat e ulta, ka përkeqësuar kushtet e jetesës për grupet më të pambrojtura, si të papunët, pensionistët, e të tjerë. Disa pronarë të bizneseve të vogla ankohen se të ardhurat e tyre kanë rënë si rezultat i rritjes së taksave.





Lajmet e fundit nga