web counter
LEXO PA REKLAMA!

SHKARKO APP

App Store
Google Play

E fundit!

x

Meta pret Kryeprokurorin e Kroacisë, pritet shkëmbim eksperiencash

23 Mars 2015, 11:16, Politikë CNA

Kryetari i Kuvendit,  Ilir Meta priti sot Prokurorin e Përgjithshëm të Kroacisë,  Dinko Cvitan me të cilin biseduan rreth reformave në fushën e drejtësisë dhe luftës ndaj korrupsionit dhe krimit të organizuar.

Meta i uroi mirëseardhjen  Dinko Cvitan dhe delegacionit që e shoqëron në Tiranë dhe theksoi se reforma në fushën e drejtësisë është një prioritet për Shqipërinë.

Ilir Meta tha se Shqipëria mund të marrë eksperiencë nga Kroacia për reformimin e sistemit të drejtësisë.

?Jemi në të njëjtin rajon dhe mund të marrim eksperiencë nga Kroacia. Reforma në sistemin e drejtësisë është një prioritet për vendin tonë. Lufta kundër krimit të organizuar dhe korrupsionit është prioriteti ynë në radhë të parë dhe në kuadër të procesit të integrimit evropian?, – theksoi Ilir Meta.

Gjithashtu, Meta shprehu mbështetjen për forcimin e shtetit ligjor dhe të institucionit të Prokurorisë.
?Eksperienca kroate në procesin e integrimit në Bashkimin Europian duhet të shërbejë si një rrugë suksesi për ne. Mbështesim forcimin e shtetit ligjor dhe institucionin e Prokurorisë?, – tha më tej, Ilir Meta.

Prokurori i Përgjithshëm të Kroacisë, Dinko Cvitan shprehu gatishmërinë e Kroacisë për të kontribuar me eksperiencën dhe ekspertët e saj për të ndihmuar në forcimin e shtetit ligjor dhe në rrugën e Shqipërisë drejt Bashkimit Evropian.
?Jemi të gatshëm të kontribuojmë me eksperiencën dhe ekspertët tanë më të mirë  në forcimin e shtetit ligjor dhe në rrugën tuaj drejt BE-së?, – nënvizoi  Dinko Cvitan.





10:02 Politikë

Topalli: Puzza!

Deputetja e Partisë Demokratike, Jozefina Topalli, është shp...

Lajmet e fundit nga