web counter
LEXO PA REKLAMA!

SHKARKO APP

App Store
Google Play

E fundit!

x

Tritoli në Lazarat/ PD: Sulm me baza politike

22 Mars 2015, 19:24, Politikë CNA

Partia Demokratike ka reaguar ndaj shpërthimit me tritol të ndodhur në banesën e babait të Kryetarit të PD-së në Gjirokastër, Roland Bejkos. Sipas opozitës ky është sulm me prapavijë politike dhe ka akuzuar policinë se nuk ka marrë masat e duhura, pasi kjo është një ngjarje e përsëritur brenda një jave. Ngjarja e ndodhur në Lazarat merr një përmasë akoma më të madhe kur në të njëjtin qark, ndodhet edhe kreu i qeverisë Rama, thuhet në deklaratën e PD.

Deklarata e plotë e PD: 

PD dënon sulmin me eksploziv ndaj banesës së kryetarit të Partisë Demokratike të Gjirokastrës, Roland Bejko, si një sulm me motiv e prapavijë politike. Ky është një agresion i përsëritur ndaj banesës së z.Bejko, dhe policia nuk ka marrë masat e duhura në rastet e mëparshme. Ky sulm mbi baza politike, bëhet edhe më i rëndë kur ndodh në kohën që kryeministri viziton Gjirokastrën. Dhuna ndaj përfaqësuesve dhe zyrave të Partisë Demokratike po shtohet teksa po afrojnë zgjedhjet.

Partia Demokratike i kërkon qeverisë të distancohet nga këto akte dhe të ndalojë frymëzimin e agresionit ndaj opozitës. Ne e dimë se këto janë shenjat e agonisë së një pushteti arbitrar që ka humbur besimin e popullit, por asgjë nuk e justifikon goditjen e kundërshtarit. Partia Demokratike dhe demokratët janë sot më të fortë se kurrë dhe bashkë me qytetarët do tia dalim të largojmë oligarkinë që po sundon me dhunë.





Lajmet e fundit nga