web counter
LEXO PA REKLAMA!

SHKARKO APP

App Store
Google Play

Të ardhurat nga kontributet

22 Mars 2015, 07:00, Ekonomi CNA

Gjatë vitit që lamë pas të ardhurat totale nga sigurimet shoqërore kanë qenë në masën e 61,7 milion lekëve, me një tejkalim prej 6.5 milion lekësh, ose 9 për qind nga programi.  Krahasuar me vitin 2013, të ardhurat nga kontributet kanë rezultuar me një rritje prej 10.3 mln lekësh ose rreth 20 për qind. Të dhënat pasyrohen në raportin e punës së Institutit të Sigurimeve Shoqërore për vitin 2014. Numri i kontribuesve në raport me vitin 2013 është rritur me 17 për qind, duke e çuar numrin e tyre në 93 mijë, ore rreth 12 mijë kontribues më shumë se sa ishte raportimi paraprak në muajin Dhjetor 2014. Të vetëpunësuarit në bujqësi që kanë përfituar nga amnistia e qeverisë për blerjen e viteve të punës me 200 mijë lekë dhe faljen e kamatvonesave, kanë tejkaluar të adhurat në shumën 5,4 milion lekëve, realizim ky në masen e 348 për qind.
Kjo shifër tregon se numri i femerëve që kanë përfituar ka qenë i lartë. Në raport thuhet se të ardhurat më të mëdha janë mbledhur nga subjektet juridike e fizike, në masen e 53 milion lekëve. 6.8 milion lekë nga subjektete e tjera, 7.6 milion lekë nga të vetëpunësuarit në bujqësi, 425 mijë nga sigurimet vullnetare dhe 582 mijë nga investimet financiare dhe kamatvonesat. Hyrja në fuqi e reformës së re në pensionene dhe lufta ndaj informalitetit në punë ka ndryshuar edhe raportin e kontribuesve me përfituesit, duke bërë që aktualisht të jenë 650 mijë kontribues dhe 600 mijë pensionistë. Me ndryshimin e këtij raporti, gradualisht edhe skema po shkon drejt uljes së gropës defiçitare dhe shëndoshjes së saj.





Lajmet e fundit nga