E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Lushnje/ Aksidentohet rëndë 48-vjeçari, dyshohet se u përplas nga eskorta e Ilir Metës

16 Mars 2015, 21:32, Aktualitet CNA

Një tjetër ngjarje e rëndë dhe që mund të lidhet me emrin e Kryetarit të Kuvendit Ilir Meta është regjistruar paraditen e së hënës në periferi të Divjakës. Dyshohet se një prej makinave të eskortës së kryeparlamentarit ka aksidentuar rëndë një qytetar nga Tërbufi i Lushnjes.

Lapsi.al mësoi se ngjarja ka ndodhur rreth orës 10.30 në vendin e quajtur Qafa e Shënepremtes. Meta ishte këtë mëngjes i ftuar në një aktivitet që lidhej me bujqësinë në Divjakë në magazinat frigoriferike të Kujtim Likës. Të njëjtat burime i thanë lapsi.al se i aksidentuar është shtetasi Adriatik Hamdi Llapi nga fshati Shënepremte i komunës Terbuf të Lushnjes.

48-vjeçari është dërguar me urgjencë në spitalin e Lushnjes dhe më pas në Spitalin e Traumës në kryeqytet. Ai është trajtuar për orë të tëra në reanimacion për shkak të goditjeve që ka marrë në kokë. Lapsi.al pyeti pranë këtij spitali dhe mësoi se gjendja e të aksidentuarit është në rrezik për jetën.

Reagimi i policisë

Lapsi.al u interesua pranë policisë së Lushnjes për këtë ngjarje nëse për të ishte hapur një hetim për shkakun e aksidentit, nëse ishin pyetur dëshmitarë, nëse janë kryer të gjitha matjet në vendin e ngjarjes, nëse është parë gjendja e shoferit të automjetit që ka shkaktuar aksidentin, etj. Burime të policisë thanë se 48-vjeçari Adriatik Llapi nuk është përplasur me makinë. Sipas uniformave blu ai është goditur në kokë pasi është rrëzuar në një kanal pranë rrugës pasi ishte në gjendje të dehur.

Precedenti

Eskorta e Kreut të Kuvendit është akuzuar për aksidentimin e një qytetari edhe në korrik të vitit 2014. Në atë kohë Partia Demokratike denoncoi aksidentimin për vdekje të një 19-vjeçari në fshatin Bilal të Bashkisë Manëz dhe viktima është Marsel Lohja. Edhe në atë kohë Ministria e Brendshme u akuzuar se fshehu qëllimisht lajmin. Policia nga ana e saj tha se eskorta e Kryetarit të Kuvendit nuk ishte përfshirë në asnjë aksident rrugor.

Lapsi.al