Tetë vendet që ndryshuan kryeqytet

16 Mars 2015, 20:21, Aktualitet CNA

Egjipti ka paraqitur së fundmi planet për të ndërtuar një kryeqytet të ri administrative që do të shtrihet në një zonë prej rreth 700 kilometra katrorë në periferi të Kajros. Nëse projekti kompletohet, Egjipti do të jetë I fundit vend në listën e atyre që kanë ndryshuar ?strehën? e Qeverive të tyre.

Nigeria është nga vendet që ka zhvendosur qeverinë e saj nga qyteti më i madh dhe bastioni ekonomik kur e zhvendosi kryeqytetin nga Lagosi në Abuja në vitin 1991.

Drejtuesit ushtarakë të Majnmarit e zhvendosën kryeqytetin 320 kilometra në veri, nga Ranguni në vitin 2005. Qeverisja u bazua në qytetin e sapondërtuar në atë kohë, në vitin 2006, që zyrtarisht njihet me emrin Naypyidaw.
Disa besojnë se zhvendosja u nxit nga paralajmërimi I një astrologu për një sulm të huaj ushtarak.

Rusia ndryshoi kryeqytetin e saj midis Moskës dhe Shën Petërsburgut. Ky I fundit themeluar nga Pjetri I Madh në vitin 1703m shërbeu si kryeqytet në vitet 1712-1918, përpara se qeveria të shkonte në Moskë.

Në vitin 1959, Pakistani ndryshoi kryeqytetin nga qyteti jugor I Karachi-t në Islamabad, në very të vendit. Për ndërtimin e kryeqytetit u deshën disa vjet deri në 1961 e më pas edhe dekada për ta përfunduar atë.

Brazili porosity një qytet të ndërtuar qëllimisht dhe të lokalizuar për ta pasur kryeqendrën e vet. Brasilia është tani kryeqytet I vendit, duke zëvendësuar Rio de Janeiro prej vitit 1950. Ndërtesat administrative të Brazilias dizenjuar nga arkitekti
Oscar Niemeyer, u inaguruan në vitin 1960.

Një nga ndryshimet më të fundit sa I takon kryeqyteteve është Astana, një qytet I planifikuar për t?u bërë qendra e Kazakistanit në vitin 1997. Qyteti I mori qeverinë Almatisë, që mbetet sërish qendra tregtare dhe me popullsinë më të madhe të vendit.

Planet për kryeqytetin e ri të Tanzanisë, Dodoma u përfunduan në mes të viteve 1980 nga arkitekti amerikan, James Rossant.
Tranzicioni nuk mbahet si sukses për këtë vend. Kur asambleja kombëtare mblidhet, kjo ndodh në Dodoma, por pjesa më e madhe e ministrive dhe të gjitha ambasadat e huaja kanë mbetur në kryeqytetin e vjetër, Dar es Salaam.

Bregu I Fildishtë ka për kryeqytet ekonomik dhe qytetin më të madh, Abidjan. Por, në vitet 1960, lideri I pas Pavarësisë, Felix Houphouet-Boigny bëri plane të themelonte një kryeqytet të ri në vendlindjen e tij. Yamoussoukro u bë kryeqytet në vitin 1983.