Praktikoni kujdesin ndaj vetes për një jetë më të lumtur dhe të shëndetshme!

2 Mars 2015, 11:00, Lifestyle CNA

Më poshtë mund të lexoni disa praktika të vetë-kujdesit që një njeri me çrregullim bipolar (çrregullimi bipolar është gjendje depresive emocionale, dhe nëse nuk trajtohet mund të ndikojnë në mënyrën se si njeriu mendon e vepron, në vendimet që merr dhe mënyrën si sillet), ka mësuar nga terapistë të ndryshëm, mjek, libra, sportist, artist dhe nga prindërit e tij. Këto janë për të gjithë njerëzit pavarësisht nëse jeni apo jo duke vuajtur nga një sëmundje mendore.

Mos u brengosni që nuk janë në kontrollin tuaj

Disa gjëra vinë më lehtë se sa kur brengosemi, por njëherë kur të mësojmë të mos stresohemi për gjërat që nuk i kemi në dorë, ju do të keni shumë energji që do ta shpenzoni në diçka më pozitive. Kjo mund të jetë e vështirë të arrihet, por me praktikë, ju do të mësoheni.

Mos flisni keq për veten-sepse ju po dëgjoni

Nëse flisni keq me shoqen e juaj, sigurisht ajo do të ndihej keq ose do të ishte lënduar. E njëjta ndodh me ju, mos flisni keq për veten dhe me veten, provoni të jeni më të dashur me veten.

Rrethoni veten me njerëz pozitiv

Deri tek një pikë, ne të gjithë ndikohemi nga rrethi ynë. Nëse jemi të rrethuar me njerëz pozitiv, njerëz frymëzues, atëherë dhe ne do të ndihemi më pozitiv dhe më frymëzues.

Trajtoni trupin tuaj si një tempull

Hani mirë, flini mirë dhe ushtroni shpesh. Kjo është aspekti kryesor në vetë-kujdesin e duhur, veçanërisht nëse vuani nga një sëmundje mendore.

Mos u bëni i burgosur prej asaj se çfarë të tjerët mendojnë

Ju keni nevojë të merrni vendime që janë të mira për ju, nëse lejoni veten të ndikohet nga paragjykimet, keqkuptimet apo mendimet irelevante të të tjerëve, mund seriozisht të ndikojë në lumturinë tuaj.

Ndihuni të sigurt

Pjesë e vetë-kujdesit është të mos lejoni që njerëzit tjerë të shkelin mbi ju. Thuani atë që mendoni. Thuani ?JO? kur nuk dëshironi të bëni, të thuani diçka dhe ndihuni të sigurt për këtë.

Mos jetoni në mos pranim

Kur nuk jemi të vetëdijshëm është pothuajse e pamundur që të kujdesemi për veten. Kur mohojmë se, p.sh. kemi mbipeshë, kemi sëmundje mendore, kemi një fiksim, është e pamundur të kërkojmë ndihmën që na duhet.

Largoni mërzinë

Kur nuk largoni mërzinë nga vetja është sikur të pini helm dhe të prisni që dikush tjetër të vdes. Personi i vetëm që lëndohet jeni ju. Largoni mërzinë, gëzojuni të mirave të jetës.

Karriera nuk është gjithçka

Kjo është shumë e sigurt, mos punoni aq shume sa që të harroni të jetoni. Kur jeni shumë të fokusuar në karrierë shpesh i anashkaloni gjërat që kanë vlerë, familjen dhe shëndetin tuaj. Mundohuni të keni një jetë të balancuar.

Mos u viktimizoni

Gjërat e këqija ndodhin dhe të ndiheni keq për veten nuk ju qon askund. Ne duhet të shkojmë para dhe të jemi aktiv në kujdesin ndaj vetes.

Kujdesuni për shëndetin

Nëse vuani nga ndonjë sëmundje, ju duhet të keni përgjegjësi për atë. Kurimi është i mundshëm, çdo natë kur shkoni të flini, pyetni veten çfarë keni bërë gjatës ditës që do t?ju ndihmojë në kurim të sëmundjes dhe ju gjithmonë duhet të keni së paku një përgjigje për këtë.