web counter
LEXO PA REKLAMA!

SHKARKO APP

App Store
Google Play

E fundit!

x

Trupat turke evakuojnë varrin e shah Sulejmanit në Siri

22 Shkurt 2015, 16:23, Aktualitet CNA

Me qindra trupa turke me mjete të blinduara hynë në veri të Sirisë për të evakuuar një varr historic ottoman dhe ushtarët që e mbronin atë. Kryeministri turk, Ahmet Davutoglu tha se mbetjet mortore të Shahut Sulejman do të zhvendosen në një vend tjetër brenda Sirisë. Ai tha se trupat e shkatërruan kompleksin e varrit, për të shmangur përdorimin e tij nga militantët e Shtetit Islamik.
Turqia konsideron se vendi i shenjtë është një territor Sovran, e kështu ka justifikuar hyrjen e trupave përtej kufirit. Shahu Sulejman ishte gjyshi i themeluesit te Perandorisë Osmane, Osmani i parë.
?U dhamë trupave tona një direktivë të mbrojnë vlerat tona shpirtërore dhe sigurinë e personelit tonë ushtarak?, tha Davutoglu në një fjalim të transmetuar në television.
Më herët, përmes një serie postimesh në rrjetet sociale, davutoglu ngriti lart forcat e armatosura për suksesin e arritur në operacion mes një numri rreziqesh, siç tha ai, që vijnë nga konflikti në Siri.
Sipas shefit të Qeverisë së Ankarasë, mbetjet mortore janë zhvendosur në Turqi, mirëpo shumë shpejt ato do të kalojnë në një zonë të Sirisë që ndodhet nën kontrollin ushtarak turk, në afërsi të kufirit.
Flamuri turk tashmë është ngritur në këtë vend, tha Davutoglu.
Gjatë operacionit nuk u raportuan përplasje me militantët e ISIS, por një ushtar humbi jetën në një incident.
Operacioni nisi mbrëmjen e së shtunës dhe përfundoi mëngjesin e së dielës. Një autokolonë e madhe, rreth 600 trupa e 100 tanke e mjete të blinduara kaluan përmes Kobanit, qytetit që mbahet nga luftëtarët kursë pasi e morën muajin e kaluar nga ISIS, e udhëtuan rreth 35 kilometra në jug deri tek kompleksi i varrit në brigjet e lumit Eufrat.
Shahu Sulejman besohet se është mbytur në këtë lum. Varri ruhej në mënyrë të vazhdueshme nga rreth 40 ushtarë, që ndërroheshin periodikisht, e sipas një traktati të 1921 ishte pjesë e territorit turk.





Lajmet e fundit nga