web counter
LEXO PA REKLAMA!

SHKARKO APP

App Store
Google Play

Ministria e Energjitikës do të kontrollojë cilësinë e naftës dhe nënprodukteve të saj

21 Shkurt 2015, 11:45, Aktualitet CNA

Qeveria ka përgatitur disa ndryshime në ligjin ?Për përpunimin, transportimin dhe tregtimin e naftës, të gazit dhe nënprodukteve të tyre?, me qëllim mbrojten e konsumatorëve fundorë. Nisma për ndryshimin e ligjit ka mbërritur në Kuvend dhe do të nisë shqyrtimin në komisionet parlamentare. P/ligji ka te beje me inspektimin e cilësisë së naftës dhe nënprodukteve të saj, që ofrohen nga tregtarët me pakicë dhe njësitë e lëndëve djegëse, me qëllim mbrojtjen e të drejtave të konsumatorëve fundorë.
Ky projektligj synon garantimin e mbrojtjes së të drejtave të konsumatorëve fundorë, nëpërmjet strukturës së posaçme që do të krijohet pranë ministrisë përgjegjësë për ekonominë dhe do të ketë kompetenca vetëm përsa i përket shërbimeve që u ofrohen konsumatorëve.
Me qëllim finalizimin e inspektimeve si dhe ndëshkimin e subjekteve abuzive është parashikuar që, për qëllim të cilësisë së produkteve, struktura e mbikëqyrjes së tregut të vendosë gjoba.
P/ligji parashikon një dispozitë tranzitore, që i lejon inspektoratit shtetëror përgjegjës, në varësi të ministrit përgjegjës për hidrokarburet, pra MEI-t, të kryejë funksionet e inspektimit për kontrollin e respektimit të standardeve apo rregullave shtetërore për cilësinë e naftës dhe nënprodukteve të saj, që tregtohen nga subjektet e tregtimit me pakicë, për qëllime të mbrojtjes së të drejtave të konsumatorëve fundorë, deri në krijimin e strukturës përgjegjëse së mbikëqyrjes së tregut, pranë ministrisë përgjegjëse për tregtinë, duke qenë se kjo strukturë nuk është krijuar akoma.





Lajmet e fundit nga