Kriteret që nuk plotëson UET, skandali me doktoraturat dhe shitja e diplomave

21 Shkurt 2015, 11:10, Aktualitet CNA

Universiteti Europian i Tiranës, ndonëse nuk plotëson shumicën e kritereve dhe standardeve të parashikuara në ligj dhe rregullore, arriti t?i shpëtojë gjithsesi nismës së qeverisë ?Rama?, për zbatimin e ligjit, e përkthyer në terren me mbylljen e disa universiteteve fantazmë dhe piramidave arsimore. Ky aksion, fillimisht me mbështetje të madhe popullore, u komprometua shumë shpejt, sapo u përball me UET. Edhe pse për këtë universitet pati një raport të zi, me një listë të gjatë shkeljesh të rënda, Ministria e Arsimit, mbylli sytë në mënyrë të dyshimtë. Përpos mosplotësimit të kritereve dhe standardeve, sipas Ministrisë së Arsimit, Universiteti Europian i Tiranës, ka konsumuar shkelje të rënda dhe mashtrimet me pasoja të rënda, objekt këto të hetimeve të prokurorisë. Konkretisht, UET ka doktoruar kohë më parë shtetasin turk Nazim Ahmet Turan Cinni pa e ditur gjuhën shqipe. Shtetasit turk i mungon leja e qëndrimit, vërtetimi i punës dhe vërtetimi i Gjuhës Shqipe. Për shtetasin e huaj Nazim Ahmet Turan Cinni, i regjistruar në studimet e doktoratës për vitin 2013-2014, mungon kopja e lejes së qëndrimit, vërtetimi i punës dhe vërtetimi i Gjuhës Shqipe. Këtu ngrihet pikëpyetja e një diplome të mundshëm false. Si mund të studiosh tek Çili pa leje e dokumente ligjore? Këtë duhet ta sqarojë Ministria e Arsimit, e cila e mbajti në këmbë këtë universitet. Po ashtu, 43 studentë që kanë pezulluar studimet e doktoraturës në UET nuk figurojnë të çregjistruar. Sipas ligjit, institucioni disponon një regjistër bazë të studentëve me të dhëna personale të tyre. Institucioni disponon një regjistër bazë të studentëve (në formë të shkruar dhe elektronike që mbahet në ruajtje të përhershme), me vlerësimet e marra gjatë ndjekjes së programit të studimit, të dhëna për diplomën ose diplomat e marra bashkë me suplementin e diplomës etj. Po ashtu, sipas raportit, me doktoraturat e zhvilluara ka një mospërputhje të profileve të licensuara me ato që zhvillohen.

Kriteret themelore
Janë disa kritere themelore, të cilat sipas raportit të MASH nuk plotësohen nga UET.
Personeli akademik i punësuar me kohë të plotë përbën së paku 70 % të personelit akademik të angazhuar, kriter ky që nuk plotësohet nga UET. Raporti numerik personal akademik/student duhet të jetë tillë që të sigurohet arsimimi cilësor dhe objektivat e institucionit. Për programe e studimeve që përfshijnë punë laboratorike, praktika mësimore dhe profesione të veçanta (arte, sport, etj.) Ky raport është 1 me 8, ndërsa 35 për programet e tjera të studimeve ky raport është 1 me 20. Për programet e studimeve që përfshijnë punë praktike-laboratorike (në fushat e studimit si: mjekësi, infermieri, inxhinieri, mësuesi, etj.) Institucioni i Arsimit të Lartë siguron 1 instruktor/laborant për 60 studentë (1 personel ndihmës për 3 pedagogë). Asnjë nga këto kritere nuk plotësohet nga UET.

Disa fakte për UET, piramidën arsimore të Henri Çilit

1. UET ka krijuar 1.2 milionë USD borxh në Tatime.

2. UET ka doktoruar shtetasin turk Nazim Ahmet Turan Cinni pa e ditur gjuhën shqipe.

3. Shtetasit turk i mungon leja e qëndrimit, vërtetimi i punës dhe vërtetimi i Gjuhës Shqipe.

4. 43 studentë që kanë pezulluar studimet e doktoraturës në UET nuk figurojnë të çregjistruar.

5. Regjistrat për të regjistruarit e vitit akademik 2013-2014 nuk gjendeshin në format Hard ?Copy.

6. Studentët e regjistruar, nga viti 2011 e deri në 2014 nuk ishin të pajisur me Nr. Matrikullimi.

7. UET mund të shtojë studentë edhe pse s?kanë qenë fare vitin e parë.

8. Doktoratura kërkon mesatare 8.

9. UET mesataren e ka me vetëdeklarim.

10. Në UET kandidatët e shënojnë sa të duan, pasi paguajnë 9 mijë euro.

11. UET ka 15 drejtime doktoraturash.

12. Në VKM 503, DATË 07.10.2011 rezultojnë 12 profile në 3 Programe studimi.

13. UET mashtron me programet e studimit.

14. Qendrën shkencore në UET e drejton një individ pa doktoraturë dhe pa titullin e duhur shkencor.

15. Ky person, edhe pse jo doktorant, udhëhiqte 2 studentë dhe këshillonte 6 të tjerë.

16. Sipas udhëzimeve, numri i studentëve që mund të udhëheqë njëkohësisht një udhëheqës shkencor nuk mund të jetë më shumë se 3 deri në 5 studentë në vit.

17. Henri Çili ka ulur numrin e pedagogëve, në përpjekje për të ulur kostot dhe për të mos paguar sigurime shoqërore.

18. Ka raportuar gjithsej 167 pedagogë, nga të cilët 80 të brendshëm dhe 87 part-time.

19. Ligji thotë se raporti personel akademik-student duhet të jetë 1 me 20 (dhe sigurisht këtu nuk llogaritet stafi i jashtëm).

20. Raporti në UET del 1 pedagog për 50 studentë.

21. Nga 4 mijë studentë, që ka ky universitet, pjesëtuar me numrin e pedagogëve efektive, na rezulton shifra 1 me 50.

22. Raporti staf i brendshëm me staf të jashtëm duhet të jetë 70% me 30 %.

23. UET ka më shumë të jashtëm se sa të brendshëm.

24. Sipas legjislacionit në fuqi, sipërfaqja në metër katrorë për çdo student duhet të jetë 4.5 ? 5 m2 për shkencat shoqërore dhe 7.5 m2 për student, në shkencat natyrore.

25. UET aktualisht ka rreth 9000 m2. 38. Henri Çili ka mashtruar duket paraqitur në broshurat e tij një Mega kampus më 15. 000 m2 dhe sipërfaqe godine 13.000m2.

26. Raporti real është 1 m2/ student duke anashkaluar kërkesën e ligjit.

27. Për studimet Bachellor të UET, për për programet e studimit Histori dhe Filozofi, nuk ka një urdhër të licensimit nga Ministri i Arsimit?.

28. UET ka reklamuar për programe studimi, të cilat nuk i ka pasur ligjërisht.

29. Edhe me Doktoratura ka një mospërputhje të profileve të licensuara me ato që zhvillohen.

30. UET jep diploma pa listë notash. (Notat mund t?i vësh vetë).

31. UET ka në proces rreth 800 doktoratura dhe udhëheqësit e jashtëm i quan konsulentë.

32. Janë vetëm 3 pedagogë të huaj që marrin pjesë në doktoraturat e UET.

33. E megjithatë UET nuk është shkrirë si një piramidë arsimore.

Gazeta “Sot”