Ben Blushi si pseudo faktor në PS

17 Shkurt 2015, 10:05, Aktualitet CNA

Nga Elvi FUNDO

Një nga zërat që shpesh artikulon ndryshe në mazhorancën e sotme dhe opozitën e djeshme është mësuesi i anglishtes, gazetari, shkrimtari dhe politikani Ben Blushi.

Shpesh ai në parlament apo intervista ka një qëndrim ndryshe nga ai i papagajeve politikë që përsërisin urdhrat e partisë, bën rolin e politikanit ?të sinqertë?, vendos gishtin në ?plagë? dhe përpiqet të jetë sa më popullor.

Kështu është edhe në studiot televizive ku tenton të jetë ndryshë, të marr flamurin e orthodhoksizmit, të jetë një Kristian i kulluar apo debatues i mencur në politikë.

Blushi të njëjtën qasje ka pasur edhe kur ka shkruar në media vite më parë, ai gjithmonë përpiqej të kishte dicka të vecantë në komentin e tij dhe gjithmonë tentonte të bëntë lajm edhe kur nuk kishte lajm.

Në politikë, abuzues palimit për qëllimet e tij, politikan që kërkon të jetë në qendër të vëmendjes dhe faktor, që me cdo kusht do shpërblimin e tij për të kapur një karrige të rëndësishme në kabinet. Në rast se do ishte minister, nuk do artikulonte asnjë nga ato që shkruaj më lart. Prandaj sot ka një qasje ndryshe ndaj problemeve, thjesht dhe vetëm për t?u bërë ministër dhe kjo është normale në politikë. Më normale akoma është kur shikon nivelin e ministrave të Ramës që prodhojnë skandale në 1 vit sa në 8 vite pushtet. Por sa ministër i mire dhe i suksesshëm është Blushi këtë nuk e dimë, vetëm nuk harrohet një skandal kur ai ka qenë zv/ministër i jashtëm gjatë një vizite të një prej diplomatëve kryesore botërore në Tiranë. Atëherë u fol shumë se Blushi kishte nxjerë sekretin e mbledhjes.

Njeriu që tenton të jetë faktor dhe në qendër të politikës gjithcka e ka të qëllimshme , për një karrige që ashtu si Ngjela me Ramën nuk mund të marr karrige cfarëdo. Do një kolltuk të rëndësishëm dhe të rehatshëm.

Por a është Blushi një politikan i elitës për Ministër? Për këtë rast po, por po ta gjykosh si faktor politik Blushi dhe lëvizjet që ka kryer, nuk vlen as për Drejtor Komunaleje dhe jo për Ministër.

Për këtë të fundit kam parasysh LMN, një lëvizje e fortë që vite me parë tronditi Ramën. Lëvizje ku Arben Malaj, Kastriot Islami, Ben Blushi dhe Andis Harasani, të mbështetur nga Nano dhe shumë politikanë karriere në PS filluan një levizje dhe jepnin qëndrime ndryshe nga ato të kryetarit Rama, atëherë në opozitë.

Të gjithë të LMN u zhduken një e nga një. Andis Harasani ishte në një pozicion komod, për familjen braktisi kuvendin qëndroi luajal me PS-në dhe Ramën duke u larguar në SHBA. Islami dhe Malaj u përballen fort me Ramën deri në fund, i pari u bë deputet i Berishës, i dyti kandidoi i pavarur në Vlorë, mori një thes më vota por nuk doli deputet për shkak të sistemit.

Nga të gjithë këta me ngritje iku vetëm Ben Blushi. Nga kryetar grupi në Korcë pas drekash e darkash me Ramën mbylli pazaret e tij personale, shiti politikisht miqtë dhe koleget dhe u gradua Kryetar Grupi në Elbasan. Për kaq dhe me garanci për të ardhmen, braktisi një levizje politike që për herë të parë po dukej ndryshe në vendin tonë. Faktorizimi ishte aq i fortë sa atëherë kishte vetëm dy alternative ose do rikthenin Nanon, ose së bashku do i ulnin kokën Ramës. Nuk ndodhi as njëra dhe as tjetra, Rama duke përdorur Blushin i shpartalloi të gjithë, Blushi rrëmbeu atë që donte, të tjerët i hëngri Rama.

Kaq për historinë e faktorizimit të Blushit. Pas kësaj që ka ndodhur dhe rrymave në parlament apo brenda të majtës, sido të flasë Blushi, cfarëdo artikulimi politik të bëjë, ngado të vërtitet askush nuk i shkon më pas Ben Blushit, ai thjesht do jetë një zë ndryshe sa të marë thelen apo kockën e munguar nga Rama. Askush nuk i shkon pas për të krijuar një grup për të ?rrëmbyer? nga tava e pushtetit. Pra Ben Blushi nuk është më faktor por një zë ndryshe në palament që vlen të dëgjohet, por ngelet thjesht dhe vetëm kaq, ai është thjesht një pseudo faktor. Të tjerë individë brenda së majtës, ndoshta pa nuhatjen dhe kapacitetin politik të Blushit, janë shumë herë më faktorë sesa politikani socialist që faktorizimi i dikurshëm tani e bën thjesht një pseudofaktor.