E fundit!

22:41 Politikë

"Flamingot me qeleshe të bulevardit tentuan një vatër të re"/ Rama publikon videon nga Banjat e Bënjës në Përmet

Kryeministri Edi Rama ka bërë një postim në rrjetet social...

Ukrainë/ Liderët, “masa konkrete” për mbikqyrje nga OSBE

17 Shkurt 2015, 09:38, Aktualitet CNA

Qeveria e Ukrainës dhe separatistët nuk kanë nisur tërheqjen e armëve të rënda nga fronti i luftimeve, edhe pse janë zotuar për një gjë të tillë në marrëveshjen e Minskut. Dy plaët kishin rënë dakord që dy ditë pas vendosjes së armëpushimit të nisin tërheqjen, por një gjë e tillë nuk ka ndodhur, duke rritur alarmin në komunitetin ndërkombëtar.
Qeveria në Kiev tha se nuk do të tërheqë armët derisa të ndalen luftimet rreth qytetit strategjik Debaltseve.
Liderët e Gjermanisë, Ukrainës dhe Rusisë e diskutuan situatën me anë të bisedave telefonike gjatë natës. Gjermania tha se janë marrë vesh për masa konkrete që vëzhguesit e armëpushimit të kenë një akses më të madh, por nuk u dhanë detaje.
Monitoruesit e OSBE që janë ngarkuar me vëzhgimin e armëpushimit, janë përpjekur të arrijnë në Debaltseve, por nuk kanë mundur.
?Kancelarja gjermane dhe presidenti ukrainas telefonuan Putin për t?i kërkuar të ushtrojë ndikimin e tij mbi separatistët që të përforcohet armëpushimi?, tha zëdhënësi i Qeverisë gjermane.
Për më tepër, shtoi ai, tërheqja e armëve të rënda duhet të nisë brenda ditës së martë.
Armëpushimi është batuar përgjithësisht, përveçse në Debaltseve, qytet që mbahet i rrethuar nga separatistët.
Sulmet me artileri janë raportuar gjatë natës e ushtria e Kievit tha se është sulmuar sërish . Separatistët u kanë ofruar trupave ukrainase të rrethuara korridore të sigurta për t?u larguar nga qyteti.
Sipas marrëveshjes së nënshkruar në Minsk, tërheqja e armëve të rënda duhet të nisë jo më vonë se në ditën e dytë të armëpushimit e të përfundojë brenda dy javësh. Kjo do të krijonte një zonë të demilitarizuar 50 deri 140 kilometra të gjerë, e do të krijonte kushte për bisedime të reja.
Situata u përshkrua si e brishtë nga kancelarja Merkel, ndërsa Departamenti Amerikan i Shtetit, shprehu shqetësim të thellë për përkeqësimin e situatës në dhe rreth Debaltseves duke apeluar Rusinë dhe separatistët të ndalin menjëherë sulmet.