Sot, Kosova 7 vjec

17 Shkurt 2015, 08:48, Aktualitet CNA

Në Prishtinë dhe qytete të tjera të Kosovës do të festohet sot me një sërë aktivitetesh, 17 shkurti, 7 vjetori i shpalljes së Pavarësisë të shtetit të ri evropian, të njohur deri tani nga 108 shtete anëtare të OKB-së.

Te simboli i Pavarësisë së Kosovës është edhe Sheshi i Lirisë së Shprehjes, pasi qytetarët në këtë festë të madhe janë të lirë edhe të shkruajnë a vizatojnë në Newborn mesazhet e tyre në këtë festë të madhe, të shtatë viteve realizim ëndërrash shekullore.

Sot, në Ditën e Pavarësisë, Kuvendi i Kosovës mblidhet në një seancë solemne, në orën 15:00, kohë kur para shtatë vitesh, në 17 Shkurtin historik 2008, u mblodh për shpalljen shtet i pavarur dhe sovran të vendit të lirë nga qershori i vitit 1999 ?pranvera e ndërhyrjes shpëtimtare të NATO-s pas viteve të luftës, terrorit, masakrave, spastrimit etnik e gjenocidit kundër shqiptarëve kosovarë të regjimit okupues ? forcave serbe të kasapit të Ballkanit Milosheviç, i cili më pas ka përfunduar në Gjykatën Ndërkombëtare për Krime Lufte në Hagë.

Axhenda zyrtare e sotme, e 17 shkurtit ? Ditës së Pavarësisë së Kosovës, është kjo:

09.00: Homazhe para varrit të presidentit Rugova;

10.00: Homazhe para varrit të komandantit Adem Jashari;

12.00: Ansambli ?Shota? do të parakalojë në sheshet ?Zahir Pajaziti?, ?Nene Tereza? dhe ?Dr. Ibrahim Rugova?

12.30: Ndarja e çmimeve vjetore për letërsi (Ministria e Kulturës);

13.00: Vizitë në Muzeun e Pavarësisë

15.00: Mbahet seanca solemne e Kuvendit të Republikës së Kosovës.

17.30: Në hotel Emerald , Presidentja dhe Kryeministri i Kosovës organozojnë pritje me korin diplomatik dhe përfaqësuesit e institucioneve të Republikës së Kosovës si dhe do të mbahet koncerti festiv i Filarmonisë së Kosovës

22:30 Ndezja e fishekzjarreve

Do organizohen edhe veprimatri të tjera në Prishtinë dhe në qytete tjera kosovare edhe me axhenda festimesh të komunave, përfshirë seancat solemne të tyre, e nga vetë njerëzit-qytetarët në festë që tradicionalisht mbushin sheshet dhe rrugët me parakalime për Lirinë dhe Pavarësinë, për të shprehur edhe falënderimin e mirënjohjen e përjetëshme për të gjithë kontribuesit në botë.