web counter
LEXO PA REKLAMA!

SHKARKO APP

App Store
Google Play

Pse nuk del INSIG-u nga karteli?

16 Shkurt 2015, 21:01, Aktualitet CNA

(Per publiken dhe interesin publik)

Vitin e kaluar konsumatoret paguan 31 milione dollare me shume se nje vit me pare per te siguruar automjetet e tyre. Nderkohe qe demet e paguara nga kompanite e sigurimeve per aksidentet u rriten me vetem 1 milione dollare. Grabitja neto 30 milione dollare ose 100 dollare shtese per cdo shqiptar qe ka nje automjet.

Eshte grabitje sepse nuk jane cmime te vendosura nga tregu. Por jane rezultat i nje karteli te tmerrshem, ne qender te te cilit qendron kompania publike Insig. Pa Insigun ai kartel shkerrmoqet. Por kompania e qytetareve eshte shnderruar ne arkitekten e grabitjes se tyre.

Marreveshja u ngjiz vitin e kaluar, kur cmimet e sigurimit te detyrueshem te automjeteve u trefishuan brenda dites nga te gjitha kompanite. Diten per diell dhe hapur. Qeveria, beri sikur reagoi, Sipas parimeve me te mira te kozmetikes dhe makiazhit publik, shkarkoi nje drejtor dhe vendosi nje tjeter. Por cmimet ngelen aty, te trefishuara. Marreveshja eshte ne fuqi dhe sot qeveria shqiptare eshte ne kartel, kunder qytetareve te saj. Nuk ka ndodhur as ne Meksike.

AMF, institucioni rregullator i tregut eshte dirigjenti underground i kartelit. Permes nje fushate manipulimi intelektual dhe institucional, bente avokaten e rritjes se cmimeve dhe ndermjetesonte kompanite ne marreveshje. Nen argumentin e qendrueshmerise se tregut. Nje perversitet i padegjuar ne asnje vend. Si rezultat u shperblye nga parlamenti per pune te mire me buxhet te pakufizuar dhe mandat te rinovuar.

Pertej kesaj, ne fillim te ketij viti parlamenti hoqi tvsh-ne per policat e sigurimit duke e zevendesuar me nje takse 3 per qind mbi primet bruto. Cmimet per qytetaret nuk rane. Fitimet per kompanite u zgjeruan.

Parlamenti votohet per tu sherbyer qytetareve, per ti mbrojtur ata. Por perballe kesaj situate, Kuvendi, perkatesisht komisioni pergjegjes i tij, nuk vepron. I ka te gjitha instrumentat per ta bere. AMF eshte nen varesine direkte te tij. Por ne vend qe ta therrase dhe ti kerkoje shpjegime se pse po grabiten qytetaret e shperblen me bonuse. Ndersa departamenti i kozmetikes vazhdon te shkelqeje./ K.T.





Lajmet e fundit nga