Bisedimet për Greqinë/Palët mbajnë pozicione të kundërta

17 Shkurt 2015, 09:31, Aktualitet CNA

Ministri grek i Financave, Yanis Varoufakis deklaroi se është i gatshëm të bëjë gjithçka që duhet për të arritur marrëveshje me kreditorët ndërkombëtarë në lidhje me borxhin e Greqisë, pas dështimit të bisedimeve me krerët e Financave të eurozonës.
Varoufakis i bëri këto komente pasi Greqia refuzoi ofertën europiane për të zgjatur paketën e shpëtimit prej 240 miliardë eurosh, një plan që ai e cilësoi absurd dhe të papranueshëm.
Kështu, gatishmëria e Greqisë për të arritur marrëveshhje i referohet një plani tjetër me kushte të ndryshme nga ato të tanishmet.
Por, ndërkaq, ministry danez i Financave tha se kanë mbetur shumë pak ditë për bisedime. Jeroen Dijsselbloem, që kryeson edhe eurogrupin tha se tani është në dorë të Greqisë të vendosë nëse dëshiron më shumë financime apo jo.
?Preferenca ime është sërish për zgjatjen e programit, dhe mendoj se është ende e arritshme, tha Dijsselbloem pas dështimit të bisedimeve.
Paketa aktuale e financimit të Greqisë përfundon më 28 shkurt dhe nëse nuk ka marrëveshje, Greqia mund të mbetet pa këstin e radhës.
Palët duken të vendosura në qëndrimin e tyre, ndërsa kreu i Financave greke ka deklaruar në një konferencë shtypi se ekziston një draft i komisionerit francez, Pierre Moscovici, të cilin grekët ksihin qenë të gatshëm ta firmosin, por ky draft ishte tërhequr nga bisedimet.
Skenarët që shtrihen përpara janë të paqartë për ekonomistët. Zyrtarët grekë thonë se Qeveria mund të vijojë punën edhe për disa muaj, por ka dyshime për këtë në BE, sesa gjatë mund të vijojë Greqia pa financime, kjo varet në masë të madhe nga taksapaguesit grekë.
Bankat greke, që tani shohin sesi klientët po tërheqin paratë dhe kanë rritur kërkesën për hua në likuiditete. Nëse nuk ka program financimi, Banka Qendrore Europiane mund të mos japë më para.
Nëse arrihet deri këtu, do të ishte një krizë e madhe financiare e cila do të impononte kontrolle të ashpra dhe madhe edhe futjen në përdorim të monedhës kombëtare.
Analistët e shohin të vështirë të parashikojnë datën kur një marrëveshje do të ishte imperative për të shmangur një Armageddon financiar, por sipas tyre, nuk mbetet edhe shumë kohë.