web counter
LEXO PA REKLAMA!

SHKARKO APP

App Store
Google Play

Stresi arratiset nga policia

31 Janar 2015, 19:56, Aktualitet CNA

Sërish probleme me drejtësinë për Arkimed Lushën, i njohur ndryshe si ?Stresi?, këngëtari rebel i muzikës rap, raporton Balkanweb.
Mësohet se Stresi është ndaluar sërish sot nga policia në gjendje të dehur duke shkelur rregullat e qarkullimit. Por me tu shoqëruar në ambientet e komisariatit nr.3 këngëtari është hedhur nga dritarja e katit të dytë ndërsa më pas ka humbur gjurmët, duke vënë në pikëpyetje sigurinë e këtij komisariati.
Policia tha se ka filluar një hetim i Sherbimit të Kontrrollit të Brendshëm për punonjësit e policisë së Komisariatit 3 dhe veprimet e punonjësve të policisë gjatë arrestimit.
Në nëntor të 2012 Stresi u ndalua nga policia për arëmbajtje pa leje në mjetin e tij dhe më një sasi të mjaftueshme lëndësh narkotike.
Në qershor 2011, prokuroria e Krimeve të Rënda ngriti ndaj ?Stresit? akuzën në fjalë për gjobvënie, pas një konflikti që ai pati me regjisorin Leonard Bombaj, i cili bëri denoncim në polici dhe prokurori. Fillimisht policia lokale e Pogradecit deklaroi se më 13 korrik, kur anuloi urdhër-arrestin, Gjykata e Lartë kishte ndaluar daljen jashtë vendit për këngëtarin. Më pas është sqaruar se data baza e policisë, kishte lënë në fuqi urdhrin e arrestit, edhe pse Gjykata e Lartë kishte vendosur masën ?detyrim paraqitje?. Ndërsa po në Shtator të këtij viti Arkimed Lusha u ndalua nga policia në Qafë Thanë për një verifikim.





Lajmet e fundit nga