E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Një detaj shumë interesant në spotin paraqitës të ambasadorit të ri amerikan në Shqipëri, Donald Lu

9 Janar 2015, 21:19, Aktualitet CNA

Nga Kastriot MYFTARAJ

Në spotin paraqitës televiziv që ka bërë për shqiptarët ambasadori i ri amerikan në Shqipëri, Donald Lu, ka një detaj shumë interesant. Në një moment shfaqet një pamje e sheshit qendror të Tiranës (Sheshit ?Skënderbej?), e fokusuar në atë mënyrë që të shfaqen në rresht njëri pas tjetrit vetëm tre objekte: monumenti i Skënderbeut, minarja e Xhamisë së Ethem Beut dhe Kulla e Orës (Sahatit). Madje në atë mënyrë që për shkak të vendosjes së tyre krijojnë një konfiguracion, që të krijon një lloj iluzioni optik, një bashkëshoqërim të ideve.
Këndi i fotografimit është i tillë që edhe një syri jo shumë të kujdesshëm vrojtues i ngjan se kali i Skënderbeut është duke qëlluar me shkelm minaren e xhamisë për ta thyer atë. A thua të jetë një rastësi kjo? Një gjë është e sigurt. Në rastin e kumteve diplomatike, çdo përbërës është i përzgjedhur me kujdes, çka do të thotë se në këtë rast janë përzgjedhur kështu edhe pamjet, jo vetëm fjalët. Diplomacia amerikane në Shqipëri ka krijuar tashmë një traditë të të qenit shumë e kujdesshme kur është fjala për çështjet religjioze. Kështu që, vështirë se konfiguracioni i krijuar në spot me të tre objektet e përmendur më lart, nuk ka rënë në sy në zyrat përkatëse të Departamentit të Shtetit, kur spoti është riparë në fund, nga pikëpamja nëse është korrekt ose jo. Këtu kemi të bëjmë me një indiskrecion të qëllimshëm diplomatik, me të cilin është kërkuar që të jepet një kumt në adresë të shqiptarëve.
Para pak kohësh në Kosovë u ndërmor një fushatë e madhe kundër klerikëve islamikë, që assesi nuk mund të jetë bërë pa udhëzimin e amerikanëve, të cilët u trembën se mos Kosova binte nën kontrollin politik të islamikëve. A mos është rradha e Shqipërisë për një spastrim të madh të ngjashëm? Pra është ora (këtë e simbolizon Kulla e Sahatit) që shqiptarët t? i rikthehen, kuptohet deri në atë masë që duan amerikanët, kauzës së Heroit Nacional Antiislamik.