E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Franca në luftë me terrorizmin

9 Janar 2015, 16:04, Aktualitet CNA

Franca, prej më shumë se 50 orësh është përfshirë nga makthi i pengjeve dhe vrasjeve. Ndërkohë që policia ka rrethuar dy vellëzerit e dyshuar si autorë të masakrës së ‘Charlie Hebdo’, një tjetër pengmarrje ka ndodhur rreth orës 13:00 në lindje të Parisit.

Një person i armatosur ka qëlluar në ajër me armë, ndërsa ka hyrë në një dyqan të vogël ushqimesh i frekuentuar nga hebrej, duke marrë peng gjashtë persona.Fillimisht u fol edhe për dy persona të vdekur, por ky lajm u mohua nga policia pariziene.

Policia bën të ditur se autor i kësaj pengmarrje dyshohet se është 32-vjeçari Amedy Coulibaly, i dyshuar po ashtu si autor i vrasjes së një oficerje dhe plagosjes së koleges së saj mëngjesin e të enjtes, po në Paris.

Mes pengjeve dyshohet se ndodhet është edhe një foshnje 6-muajshe. “Eshtë katastrofë! Mbesa ime Sarah ndodhet në atë dyqan, së bashku me beben e saj Noah, 6 muajsh”, thotë një grua per mediat vendase.

Gazetarët e pranishëm në vendngjarje thonë se kanë parë një grua të transportohet me urgjencë jashtë ndërtesës ku po zhvillohet pengmarrja.

Nga ana tjetër gazeta franceze “Le Figaro” , e cila citon burime policore, bën me dije se Coulibaly i ka kërkuar forcave speciale që të lirojnë nga rrethimi vëllezërit Kouachi dhe të mos bëjnë asnjë lëvizje të pamenduar, ndryshe ai kërcënon se të gjithë pengjet do të vriten. Coulibaly, përpara se të mbyllej në dyqan me zë të lartë thirriti: Ju e dini shumë mirë kush jam unë! Policia thotë se 32-vjecari është i pajisur edhe me eksploziv.

Kryeqyteti francez ndodhet në masa tepër të forta sigurie. Prefektura e Parisit ka urdhëruar mbylljen e të gjithë dyqaneve me pronësi apo të frekuentuar nga hebrej. Zona ku aktualisht po mbahen peng 6 persona është e blinduar. Nxënësit janë të mbyllur nëpër shkolla. I gjithë Parisi është në alarm, madje janë zbrazur nga njerëzit edhe pikat turistike.

Mbarë Franca është mbërthyer nga një valë paniku dhe terrori, ndërsa lufta kundër terrorizmit duket që është shumë e fortë.
/ TCh