web counter
LEXO PA REKLAMA!

SHKARKO APP

App Store
Google Play

Vrasja e tre pengmarrësve, merr fund ankthi, por jo alarmi në Francë

9 Janar 2015, 16:58, Aktualitet CNA

Përfundon ankthi i pengmarrjeve në Francë, ndërsa Policia ka arritur të vrasë tre të dyshuarit, dy vëllezërit franko-algjerianë, Cherif dhe Said Kouachi, si dhe personin e tretë në një supermarket në lindje të Parisit i cili mbante peng gra e fëmijë.
Vëllezërit Kouachi mbahen përgjegjës për masakrën në redaksinë e gazetës satirike, ?Charlie Hedbo? ku vranë me gjakftohtësi 9 gazetarë dhe 3 punonjës policie. Rreth 88 mijë policë dhe ushtarë të mbështetur nga helikopterët rrethuan shtypshkronjën Dammartin- en-Goele, në rajonin Aisne, ku fshiheshin dy vëllezërit pasi u ndoqën nga policia që në momentin që u larguan nga selia e Charlie Hebdo në Paris. Policia ka arritur të shpëtojë personin që ata mbanin peng. Në zonë u dëgjuan të shtëna dhe shpërthime të fuqishme, ndërsa mediat flasin për 2 policë të vrarë gjatë shkëmbimit të zjarrit, dhe 20 persona të plagosur. Policia e Parisit, gjithsesi e ka mohuar lajmin se gjatë aksionit janë vrarë dy persona.
Pas këtij sulmi në shtypshkronjë, policia ndërhyri edhe në supermarketin hebraik në lindje të Parisit, ku një i dyshuar si vrasësi i polices bashkiake një ditë më parë, mbante disa pengje. Dëshmitarët panë gra e fëmijë të dilnin nga supermarketi të shoqëruar nga policë, ndërsa gazeta Le Monde raportoi se policia ka vrarë pengmarrësin.
Merr fund kështu makthi i francezëve që nisi me sulmin terrorist mbi revistën satirike. Ditën e premte ka pasur edhe disa incidente të tjera. Një raportim për pengmarrje në një shesh afër kullës Ejfel rezultoi i rremë, pasi policia shkoi në vendngjarje dhe mbylli përkohësisht një hyrje të metrosë.





Lajmet e fundit nga