web counter
LEXO PA REKLAMA!

SHKARKO APP

App Store
Google Play

E fundit!

x

Në flakë anija me 466 persona në bord

28 Dhjetor 2014, 11:03, Aktualitet CNA

Një anije, e cila udhëtonte nga Greqia drejt Italisë me 466 persona është përfshirë nga flakët afër ishullit grek të Othonoi.
Aktualisht po punohet për evakuimin e personave në anije, por kushtet atmosferike e kanë bërë mjaft të vështirë këtë operacion.
Dallgët dhe era e fortë kanë ndërprerë disa herë operacionin për evakuimin e gjithë pasagjerëve në anije.
Për shkak të kushteve të këqija të detit, rezulton shumë i vështirë transferimi i pasagjerëve nga varkat e shpëtimit në bordet e anijeve greke që kanë shkuar në ndihmë. Sipas mediave greke disa nga varkat e shpëtimit janë shkatërruar nga varkat ndërsa disa helikopterë të marinës greke janë në pritje për tiu afruar tragetit me qëllim që të mund të shpëtojnë pasagjerë të tjerë.
Anija ?Norman Atlantic? kishte destinacion Anconën dhe në të udhëtonin 411 pasagjerë, 55 anëtarë të ekuipazhit dhe 222 makina.
Me të rënë alarmi nisi evakuimi i udhëtarëve dhe gazeta Zougla? online shkruan se shumë prej pasagjerëve janë evakuar në barkat e shpëtimit.
Mësohet se anija u përfshi nga flakët rreth orës 04:00 të mëngjesit me orën lokale të Greqisë, në zonën detare 32 milje nga veriperëndimi i Ottos.
Sipas një deklarate të ministrit të Mbrojtjes Dendias Nikos drejt vendit të ngjarjes janë dërguar 5 helikopterë të forcave ajrore.
Nga të dhënat e para mësohet se zjarri kishte shpërthyer në garazh. Pasagjerët kishin blerë bileta nga Igumenica në drejtim të Ankonës. Sipas drejtuesve ekzekutiv të anijes situata nën kontroll dhe vazhdon evakuimi ndërsa flakët janë të mëdha





15:00 Aktualitet

Mrekulli amerikane

Bret StephensInovacioni varet më pak prej zhvillimit të idev...

Lajmet e fundit nga