E fundit!

18:43 Kronika

Aksident në aksin Elbasan-Librazhd/ Automjeti del nga rruga, humb jetën i riu

Një aksident i rëndë është shënuar pasditen e sotme në aks...

Prokuroria padi Baftjar Zeqos

27 Dhjetor 2014, 10:55, Aktualitet CNA

Prokuroria ka dërguar një tjetër kryebashkiak në gjykatë.
Pas Shpëtim Gjikës dhe Xhelal Mziut, prokuroria ka kallzuar penalisht kryebashkiakun e Fierit, Baftjar Zeqo, për shpërdorim detyre.
Bashkë me të akuzohen edhe 6 zyrtarë të tjerë të kësaj bashkie.
Hetimi ka nisur në bazë të kallëzimit nga 15 shtetas, të cilët kanë aplikuar pranë Bashkisë Fier për t?u trajtuar me banesa sociale si të pastrehë. Kallëzimet, pavarësisht specifikave të tyre, që lidhen me faktin se përse duhet të ishin trajtuar si të pastrehë, në përgjithësi trajtojnë të njëjtat problematika dhe shkelje të procedurave ligjore nga ana e Komisionit të Strehimit, të ngritur për përzgjedhjen e aplikuesve si të pastrehë.
?Nga materiali kallëzues dhe pyetja e personave të cilët nuk janë kualifikuar për trajtim me banesë sociale, është konstatuar se pretendimet e tyre lidhen së pari me faktin se Komisioni i Strehimit ka publikuar një listë e cila nuk ishte e pikëzuar, në ambientet e Bashkisë Fier. Në këtë mënyrë asnjëri prej tyre nuk kishte mundësinë për të mësuar se me sa pikë ishte vlerësuar nga Komisioni, që të kishte mundësinë të ankohej nëse nuk ishte dakord me vlerësimin?,-thuhet në njoftimin e prokurorisë.
Ndërsa theksohet se kallëzuesit kanë shpjeguar se Komisioni i Strehimit nuk ka marrë për bazë listën e parë të personave të cilët kanë aplikuar por kanë futur në listën e aplikuesve edhe persona të tjerë të rinj, të cilët kanë përfituar me vendimin përfundimtar të Këshillit të Bashkisë./b.l
Të akuzuar akuzuar:
Për veprën penale « Shpërdorimi i detyrës », në bashkëpunim, parashikuar nga neni 248-25 i Kodit Penal.
1. Baftjar ZEQAJ, me masë sigurimi ?Ndalimi i daljes jashtë shtetit?
2. Agron BEGAJ, me masë sigurimi ?Ndalimi i daljes jashtë shtetit?
3. Fatmir KAJOLLI, me masë sigurimi ?Ndalimi i daljes jashtë shtetit?
4. Ramiz HOXHAJ, me masë sigurimi ?Ndalimi i daljes jashtë shtetit?
5. Alfred BOÇOVA, me masë sigurimi ?Ndalimi i daljes jashtë shtetit?
6. Selman BRAÇE, me masë sigurimi ?Ndalimi i daljes jashtë shtetit?
7. Esmeralda KAPLLANAJ, me masë sigurimi ?Ndalimi i daljes jashtë shtetit?
Të akuzuar:
Për veprën penale « Falsifikimi i dokumentave », gjashtë herë parashikuar nga neni 186/3 i Kodit Penal.
8. Mimoza Kollçinaku
9. Gazmir Dano
10. Enver Lloshi
11. Shaban Selaci,
12. Ylli Dhjari,
13. Faslli Zhara