web counter
LEXO PA REKLAMA!

SHKARKO APP

Pensioni në shtëpi/Posta Shqiptare dyfishon çmimim

17 Dhjetor 2014, 12:22, Aktualitet CNA

Në prag të festave të fund vitit,  Posta Shqiptare ka dyfishuar dhe shërbimin e dërgimit të pensionit për pensionistët në shtëpi. Nga data 1 Nëntor, Posta Shqiptare e ka rritur tarifën e këtij shërbimi nga 50 lekë në 90 lekë. Përfaqësues të Postës bëjnë me dije se kjo masë është marrë për shkak të kostos së lartë të shërbimit, pasi deri më tani Posta ka dalë me humbje. Janë afro 156 mijë pensionistë që përdorin këtë shërbim, shifër kjo që përbën 30 për qind të të gjithë pensionistëve. Nga ana tjetër për dërgimin e letrave të thjeshta, shërbimi postës varion nga 40 deri në 80 lekë.
Posta Shqiptare mundëson për të gjithë pensionistët dërgimin e pensionit në banesë, ndërsa për ata që duan ta tërheqin vetë nuk ka asnjë kosto. Për ta përfituar këtë shërbim, pensionistët duhet të plotësojnë një formular në zyrat postare, i cili përmban gjeneralitetet e pensionistit, adresën e saktë të vendbanimit ku do ti dërgohet pensioni dhe një numër kontakti.





Lajmet e fundit nga