web counter
LEXO PA REKLAMA!

SHKARKO APP

App Store
Google Play

Turkja rrihet deri në vdekje nga serbët, shpëtoi dy gra gjermanet

29 Nëntor 2014, 23:00, Aktualitet CNA

Mijëra banorë gjermanë në qytetin Offenbach të Gjermanisë, kanë dalë në rrugë për të përshëndetur një studente të re, që u sulmua brutalisht nga dy të rinj serbë, në përpjekje e sipër për të ndihmuar dy gra gjermane, që po dhunoheshin prej serbëve. Fatkeqësisht, më 28 nëntor, në ditën e saj të lindjes, ajo ka ndërruar jetë, pas 13 ditësh në koma.

Tugçe Albayrak, një studente 22-vjeçare me origjinë turke, hyri në koma më 15 nëntor, pasi u rrah brutalisht nga dy të rinj serbë në Gjermani, pasi u përpoq të ndihmonte dy gra gjermane, që po dhunoheshin nga agresorët në një restorant. Një prej agresorëve, 18 vjeç, e rrahu studenten në një parking, një orë pasi ajo kishte ndihmuar dy gratë gjermane në tualetin e restorantit. Pas 2 javësh në koma, në ditën kur ajo do të mbushte 23 vjeçe, ka ndërruar jetë. Truri i saj nuk jepte shenja jete që prej 26 nëntorit, por mjekët e shpallën heroinën të vdekur dy ditë më pas.

Mijëra banorë të këtij qyteti kanë organizuara protesta të heshtura përballë restorantit ku u vra studentja humane për t?i dhënë asaj lamtumirën e fundit. Shumica e njerëzve mbanin të veshura bluza me foton e saj dhe ku shkruhej ?Të duam? dhe ?Faleminderit?. Presidenti gjerman, Joakuim Gauk, i shprehu ngushëllime familjes së vajzës. ?Ashtu si qytetarët tanë, edhe unë u ndjeva i tronditur përballë këtij sulmi të tmerrshëm. Tugçe meriton respekt të madh dhe admirim. Ajo gjithmonë do të jetë një model për ne?, tha Gauk në mesazhin e tij të ngushëllimit.





Lajmet e fundit nga