web counter
LEXO PA REKLAMA!

SHKARKO APP

App Store
Google Play

E fundit!

x

Shfrytëzonte të dashurën për prostitucion me ndihmën e babait. Në pranga 5 persona

26 Nëntor 2014, 23:00, Aktualitet CNA

Policia e Tiranës ka arrestuar pesë persona, mes të cilëve edhe një 17-vjeçare, për prostitucion.

Sipas policisë, një  prej të arrestuarve, Emri Dashi, 21 vjeç, shfrytëzonte të miturën me iniciale P.B, të cilën e kishte të dashur.

Sipas hetuesve, Dashi e shfrytëzonte 17 vjeçaren së bashku me të atin e tij, Muli Dashi, ndërkohë që në momentin e arrestimit, 17 vjeçarja po kryente marrëdhënie seksuale me 2 persona, raporton ABC News.

Policia ishte vënë në ndjekje të tyre prej disa kohësh, ndërkohë që dyshohet se i ati me të birin e shfrytëzonin 17 vjeçaren si prostitutë luksi edhe tek politikanë apo dhe biznesmenë në kryeqytet.

Një ditë më parë policia u vu në ndjekje të automjetit tip Fiat me targa të Tiranës 3571 S, i cili shërbente për të dërguar 17 vjeçaren tek klientët.

Pas ndjekjes deri në një nga hotelet e periferisë së Tiranës në zonën e Bërxullit, njësia speciale e policisë së kryeqyteit arrestoi babë e bir, Emri dhe Muli Dashi, ndërkohë që në ambjentet e hotelit, 17 vjeçaren dhe dy persona të tjerë.

Sipas policisë, dy të arrestuarit, personat me iniciale E.Reka dhe E.Haxhiaj, po kryenin prostitucion me të miturën.

Pas marrjes në pyetje të 17 vjeçares, mësohet se ajo ka treguar dhe për takimet me politikanë apo dhe biznesmenë në kryeqytet.

Takimet sipas saj bëheshin gjithnjë në hotelet jashtë kryeqytetit, ndërkohë që lidhjet me ta bëheshin kryesisht në diskot më në zë të kryeqytetit, të cilat frekuentohen dhe nga politikanët./





Lajmet e fundit nga