web counter
LEXO PA REKLAMA!

SHKARKO APP

App Store
Google Play

Dritëro Agolli: Të hapen dosjet, kujdes falsifikimet dhe hakmarrjen

28 Nëntor 2014, 23:00, Aktualitet CNA

Shkrimtari Dritëro Agolli thotë se është dakord që dosjet e Sigurimit të Shtetit duhet të hapen.

Por, sipas tij, kjo gjë nuk duhet të bëhet për hakmarrje.

?Unë e kam thënë mendimin tim para shumë viteve, kur ishte vala e parë e kërkesave për hapjen e dosjeve. Po atë mendim kam edhe sot.

Le të hapen dosjet që njerëzit të marrin vesh çka ndodhur, edhe ata që kanë dosje, edhe ata që nuk kanë, le të kuptojnë njëri-tjetrin.

Doemos jo me një urrejtje hakmarrëse. Ju e dini që hakmarrja është përhapur shumë në vendin tonë, e po ashtu gjakmarrja.

Ndokush do ketë ndonjë nip apo vëllain në ato dosje dhe do të fillojnë të ngujohen.

Siç ju thashë, unë jam dakord që të hapen, nëse ka mbetur ndonjë dosje pa u hapur, sepse në përgjithësi, ato janë hapur pa urdhër.

E them këtë, pasi të gjithë ia dinë njëri-tjetrit të fshehtat dhe shprehen për ato që dine?, ka thënë shkrimtari për ?GSH?.

?Mirë është të pastrohen ata që janë përfolur dhe mirë është të mos trillohet. Ka kaluar një kohë e gjatë. Ka pothuaj një çerek shekulli që kërkohet të hapen dosjet dhe mund të jenë bërë ndryshime, mund të jenë zbukuruar, mund të jenë shëmtuar, domethënë mund të ketë pasur ndërhyrje në to dhe duhet pasur parasysh edhe kjo.

Duhet kuptuar se çfarë thuhet në dosje në të vërtetë, pasi njerëzit mund të fusin në dosje edhe ato që janë botuar në gazeta e ato nuk janë pjesë e dosjeve dhe nuk kanë të njëjtën vlerë, pra nuk janë njësoj. Ka probleme që edhe zgjidhen, por ka kaluar kohë shumë e gjatë dhe shumë prej atyre njerëzve që kanë qenë më aktivët dhe më të zotët, edhe kanë vdekur?, vijon ai.





Lajmet e fundit nga