Ahmetaj: Buxheti 2015, rritje dhe zhvillim

16 Nëntor 2014, 23:00, Politikë CNA

Ministri i Zhvillimit Ekonomik dhe Tregtisë tha se buxheti i vitit 2015, është një buxhet që garanton rimëkëmbjen e ekonomisë shqiptare.

?Buxheti i vitit 2015 ka tre shtylla kryesore të cilat janë edhe profili dhe fytyra e tij. Së pari, është buxheti i rritjes ekonomike, i konsolidimit të rritjes ekonomike. Është buxheti i reformave të domosdoshme në ekonomi dhe është buxheti i vazhdimësisë së drejtësisë fiskale, i filluar me paketën e vitit 2014.
Ne kemi frenuar rënien ekonomike. Kemi frenuar gropën e madhe ekonomike që gjetëm në shtator të vitit 2013 dhe po konsolidojmë rritjen ekonomike me instrumentet buxhetorë dhe jo vetëm buxhetorë. Në fakt po, ky është buxheti më i madh i 20 viteve të fundit, po kap shumën e 5 miliardë dollarëve. Po, është buxheti më i madh në investime në pesë vitet e fundit. Investon 800 milionë dollarë. Dua ta ndaj me qytetarët këtë shifër sepse është filozofi përtej shifrës. Jemi duke investuar 5.4 për qind të Prodhimit të Brendshëm Bruto, pra 800 milionë dollarë, ndërkohë që kemi filluar trajektoren e uljes së borxhit publik dhe të deficitit. Ka pasur vite kur është tentuar të investohet më shumë se 800 milionë, por deficiti buxhetor ka qenë 8 % e Prodhimit të Brendshëm Bruto. Sot, deficiti shkon në 4 % dhe investimet publike në 800 milionë dollarë.?, tha Ahmetaj në fjalën e tij në Kuvend.

Ahmetaj tha se ka nisur ndërtimi i një modeli të ri ekonomik, i cili do të konsodilojë rritjen ekonomike duke e çuar në 3%.
?Viti 2015 konsolidon rritjen ekonomike, ku nga 2-2.2 % këtë vit do të kalojë në 3 %, për të arritur në fund të mandatit tonë të parë në 4.5 %. Vetëm atëherë përfitimet te qytetari fillojnë dhe kanë dallueshmëri të rëndësishme.
Kemi filluar të ndërtojmë një model të ri ekonomik, i cili bazohet në zëvendësimin e importeve me produkte prodhim vendas. Koha kur kishte rënie ekonomike, papunësi, ka mbaruar. Ne jemi fokusuar tek disa sektorë.
Sektori i manifakturës. Sot, vetëm kjo industri i jep Shqipërisë 140 milionë dollarë më shumë eksporte. i jep vendit rreth 5000 vende të reja pune. Janë 5000 familje që ushqehen nga kjo industri. Vetëm kjo industri ka investuar 14 për qind më shumë se në vitin 2013 makineri dhe pajisje, që tregon se cikli është tejet pozitiv.
Industria kimike dhe plastike. Janë rritur eksportet e kësaj industrie 40 për qind, potenciali i saj tregon që kërkon më tepër vëmendje nga ana e qeverisë.
Jemi duke u fokusuar në paketën e bujqësisë për ta futur nga një ekonomi e fragmentuar në ekonominë e shkallës, ku puna, përfitimi, suksesi, prodhimi dhe eksporti të jenë të lidhura në zinxhir në favor të fermerit

Ahmetaj theksoi se reforma e sektorit elektoenergjetik, ?do të garantojnë që 200 milionë dollarë që po jepen në vitin 2015 në të ardhmen e afër, në dy dhe në tre vjet, nuk do të jenë më mbështetje për sektorin energjetik, por përkundrazi, sektori energjetik do të kthehet dhe do të mbështesë zhvillimin ekonomik të vendit, investimet publike jo më me 200 milionë, por në tre vite me gati 500 milionë?.