Mjalinda Bergu: Nikolic është shembull i jonormalitetit

15 Tetor 2014, 22:00, Politikë CNA

Ish-Ministrja e Integrimit,Majlinda Bregu, ka reaguar ashpër ndaj deklaratës së djeshme të Presidentit serb Tomislav Nikoliç, ku sipas tij Shqipërisë i duhen dekada për tu bërë një vend normal.

Përmes rrjetit social fb, Bregu thekson se Nikoliç nuk është koherent në qëndrimet e tij dhe se vetë ai është shembull i jonormalitetit.

?Ky Nikoliç që thotë që Shqipërisë i duhen shekuj që të bëhet vend normal?A është po ky Nikoliç që në vizitën e tij të parë në Moskë deklaroi se nëse BE na vë kusht për anëtarësim, njohjen e Kosovës, jemi gati të terhiqemi nga rruga drejt BE?

A është po ky Nikoliç që spastrimin etnik të shqiptarëve të Kosovës nuk e njeh, por akuzoi për genocid ndaj pakicave serbe shqiptarët në veri të Kosovës?

A është po ky Nikoliç që tha s? ka patur genocid në Srebenicë, edhe pse atje u vranë 8000 boshnjakë myslimanë jo në kohërat e mitologjisë ,por në 1995?A është po ky Nikoliç që e quajti Vukovarin, qytet serb edhe pse ishin serbët që e bënë hi, në 1991?Ky e quan Shqipërinë vend jo normal????

Sipas saj larg Europës dhe të qënit europianë janë ata që veprojnë me standarde të dyfishta nën thirrjet dhe kërcënimet me vdekje.

?Serbia e Nikoliçit ka promovuar paqen e stabilitetin në rajon dhe shqiptarët i paskan fyer se u nisën për futboll dhe u kërcënuan me prerje koke???Këta janë ata që veprojnë me profesionalizëm, sipas Majës që kërcen maje më maje në përgjigje jo profesionale e nën verbërine e standarteve të dyfishta?Sa larg kjo Evropë për ata që bërtasin ?vdekje?!?

Një ditë më parë Presidenti serb Tomislav Nikoliç dënoi incidentin në ndeshjen e futbollit Serbi-Shqipëri dhe kërkoi që shërbimet e sigurisë, policia dhe shërbimet e doganave të trajtojnë ngjarjen si një paralajmërim, sepse një rast tjetër i ngjashëm mund të rezultojë me viktima njerëzore.

Ai beson se qëllimi i qartë i atyre që organizuan dhe vunë në veprim planin për ngritjen e një minihelikpteri me flamurin e Shqipërisë së Madhe ishte të shkaktonin trazira në Serbi dhe destabilizuar edhe gjithë rajonin.

Sipas Nikoliç, Serbia ka bërë çdo gjë për ta hedhur pas të kaluarën dhe për të zhvilluar marrëdhënie miqësore dhe dhe vizita e ardhshme e Kryeministrit të Shqipërisë, Edi Rama pritet ti jetë një sinjal për vendosjen e marrëdhënieve të shkëlqyera.

?Pas vrasjes së përpjekjeve për të krijuar një miqësi mes Serbisë dhe Shqipërisë, është e qartë se Shqipëria do të duhet dekada, nëse jo shekuj, që të bëhet një vend normal, pa urrejtje kundër Serbisë,? ? tha Nikoliç, i cili pret që zyrtarë të lartë të Shqipërisë të dënojnë incidentin.