Policia: Irafan Hysenbelli të flasë për konfliktet me Santon

12 Tetor 2014, 22:00, Aktualitet CNA

Televizioni News 24, ku Artan Santo ishte aksioner me 50 % të aksioneve, pretendon se ka siguruar dëshminë e nje personi i cili ka dijeni për vrasësit.

Bankieri u qëllua për vdekje në afërsi të bankës ?Credins? në zonën e bllokut nga 2 persona me motorr, paraditen e 26 qershorit.

TV News 24 akuzoi gjithashtu policinë se nuk ka vlerësuar informacionin e drejtuar tek numri nje i policisë Artan Didi.

Por në një reagim zyrtar, Policia e Shtetit thotë se ka administruar me seriozitetin e duhur çdo informacion që i është dhënë.

Më tej thuhet se ?Informacioni në fjalë i dhënë nëpërmjet telefonit nga një person anonim Didit, i cili nuk ka dashur të identifikohet dhe as të marrë takim të drejtpërdrejt me Drejtorin e Përgjithshëm të Policisë së Shtetit.

Për policinë nuk ka asnjë dyshim se grupi kriminal që ka organizuar dhe kryer këtë vrasje të sofistikuar ka kapacitete të mjaftueshme për të hedhur në treg qoftë edhe nëpërmjet medias diz-informacione për të penguar zbulimin e të vërtetës?.

Më tej, policia përdor tone ironike kundër TV News 24, i cili sipas bluve, me vonesë, por po interesohet për ish-aksionerin që zotëronte 50 % të aksioneve të saj, duke lënë pas dore problemet që ka pasur kur ishte gjallë. Pra debatet dhe konfiktet me biznesmenin tjeter Irfan Hysenbelliu.

Brenda kësaj deklarate shfaqet një dyshim i fortë i bërë publik nga policia në formën e një piste hetimi, për problemet në të kaluarën mes Santos dhe aksionerëve të televizionit.

Gjithashtu prokuroria tha se po vleresohet cdo informacion i dhene nga qytetaret, ne bashkepunim me policine.

Reagimi i plotë i policisë

Policia e Shtetit bën me dije se për ngjarjen në fjalë kanë ardhur me dhjetra informacione në të cilat pretendohet se jepen të dhëna të vlefshme për hetimin.

Policia e Shtetit ka administruar me seriozitetin e duhur çdo informacion që i është dhënë asaj dhe falenderon te gjithe qytetaret qe kane dhene këto informacione.

Por ajo sqaron se është e detyruar me ligj që të bëjë vlerësimin e burimeve dhe të vërtetësisë së tyre.

Policia e Shtetit ka strukturat e saj të specializuara të cilat bëjnë verifikimin e të gjitha informacineve të marra nëpërmjet metodave dhe mjeteve të përcaktuara në ligj.

Të gjitha informacionet që jepen në Policinë e Shtetit kalojnë detyrimisht në këtë proces duke përfshirë edhe ato që mund t?i jepen drejtorit të Përgjithshëm të Policisë së Shtetit nëpërmjet telefonit nga njerëz anonim.

Informacioni në fjalë i dhënë nëpërmjet telefonit nga një person anonim , i cili nuk ka dashur të identifikohet dhe as të marrë takim të drejtpërdrejt me drejtorin e Përgjithshëm të Policisë së Shtetit, apo me ndonjë nga specialistët e ngarkuar me këtë hetim, është duke ndjekur këtë proces vlerësimi dhe verifikimi qysh nga data e marrjes së tij.

Drejtori i Përgjithshëm mirëpret informacionet që i vijnë atij edhe drejtpërsëdrejti ndonëse kjo nuk është procedura normale, por vlerësimi i këtij informacioni dhe verifikimi i tij bëhen nga strukturat përkatëse të hetimit.

Dhënia e një informacioni drejtorit të Përgjithshëm nuk përbën arsye për ta vlerësuar këtë informacion më shumë se të tjerët, është grupi hetimor që bën vlerësimin dhe verifikimin e tij dhe mbi këtë bazë së bashku me Prokurorin e ngarkuar për këtë çështje përcaktohet edhe plani i veprimit që do të ndiqet.

Policia është e vetdijshme që grupi kriminal që ka organizuar dhe kryer këtë vrasje të sofistikuar ka kapacitet e mjaftueshme për të hedhur në treg qoftë edhe nëpërmjet medias diziinformacione për të penguar zbulimin e të vërtetës.

Policia e Shtetit i bën thirrje qytetarit në fjalë që të paraqitet pranë organit procedurial penal që është Policia Gjyqësore e Drejtorisë së Policisë së Qarkut Tiranë ose Prokuroria e Tiranës, për të dhënë informacionet që ai pretendon se ka lidhur më ketë ngjarje dhe aty do të marrë edhe përgjigjen se çfarë është bërë deri tani me informacionin e dhënë prej tij.

Policia falënderon mediat që janë të interesuara për zbardhjen e kësaj ngjarje dhe sidomos NEWS 24 , e cila ndonëse me vonesë po interesohet për ish- aksionerin që zotëronte 50 % të aksioneve të saj , duke lënë pas dore problemet që ka pasur kur ishte gjallë.