web counter
LEXO PA REKLAMA!

SHKARKO APP

App Store
Google Play

E fundit!

x

Doda fton dhjetoristet e 90. Konference per denimin e figures se diktatorit

18 Shtator 2014, 19:02, Politikë CNA

Deputetja e Partisë Demokratike Mesila Doda ka reaguar përmes një komenti në rrjetin social Facebook mbi shfaqjen e portreteve të diktatorit Enver Hoxha dhe parrullave të tipit komunist.

?Ne nuk do harrojmë kurrë. Këto dite po shfaqen tentativa të qarta për glorifikimin e së kaluarës dhe aministimit të figurave kriminale me në krye Enver Hoxhën. Në krye të komisionit për rishikimin e historisë është kreu i një partie të majtë, i cili nuk mundet të qendrojë në krye të një komisioni që pretendon të quhet apolitik.

Nisur nga kjo klimë që kërkon që së bashku me 70 vjetorin e clirimit të glorifikojë edhe krimet vëllavrasëse të kriminelëve me në krye Enver Hoxhën, do i bëja thirrje gjithë studentëve të dhjetorit, brezit më antikomunist që kreu shndërrimin e jetës politike të vendit që bashkërisht të vendosim mbledhjen e një konference ku të kërkojmë hapa konkrete për tu ndjekur nga parlamenti shqiptar dhe gjithë forcat politike për dënimin e figurës së Enver Hoxhës, krijimin e një komisioni hetimor parlamentar për aktivitetin e tij para dhe pas luftës, dhe miratimin me urgjencë të ligjit të lustracionit.

Ftoj gjithë ish-studentët e dhjetorit të krijojmë së bashku këtë inisiative që ti pergjigjemi kërkesave të kohës dhe revanshit që po merr cdo ditë e kaluara në këtë vend?, shkruan Doda në rrjetin social..





Lajmet e fundit nga