E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Gramoz Ruci kundër ambasadorëve

15 Shtator 2014, 15:20, Politikë CNA

Kryetari i Grupt parlamentar socialist Gramoz Ruçi është treguar i ashpër në kritika ndaj kandidaturave për postet e Ambasadorëve, ndërsa është shprehur se nuk është aspak e mjaftueshme fakti që ato dinë gjuhën e vendit ku do të shkojnë.

Në seancën dëgjimore në Komisionin e Jashtëm parlamentar me kandidatët për ambasadorë të Shqipërisë në Katar dhe Spanjë, kreu i deputetëve socialistë tha se vendit i duhen përfaqësues që janë të aftë të sjellin investime.

Në këtë kuadër Ruçi iu referua mungesës së investimeve nga Kuvajti në Shqipëri, duke shtuar se shumë vende të botës kanë përfituar qindra milionë dollarë inevstime nga Fondi kuvajtian.

?Unë kam pasur rastin të vizitoj me Kryetarin e parlamentit para pak muajsh Kuvajtin dhe është për të ardhur keq që Shqipëria është inekzistente me projekte në Kuvajt. Unë do të kërkoj nga Sekretari i Përgjithshëm i Ministrisë që duhet të zgjedhim ambasadorë jo vetëm ata që dinë gjuhët përkatëse të vendit përkatës, rëndësi ka që të dinë shqip, të dinë kush janë interesat e Shqipërisë dhe çfarë duhet të realizojë Shqipëria. Ky është misioni juaj .

Gjatë gjithë vizitës në Kuvajt kishte vetëm një fjali: ku janë projektet? Është për të ardhur keq që Fondi i Zhvillimit Kuvajtian ka miliarda emiliarda investime në dhjetëra qindra vende në të gjithë botën, në Shqipëri jo. Dhe kjo ndodh se nuk ekzistonin pikërisht këto projekte.

Dhe është për të ardhur keq që një vend si Bosnja thith miliona euro dhe dollarë nga Kuvajti investime dhe projekte. Është për të ardhur keq që një vend si Bosnja brenda vitit thith njëqind mijë turistë , Shqipëria jo, pasi kishin marrë vetëm dy masa, liberalizimin e vizave edhe një linjë avioni , që kishte ardhur nga Kuvajti edhe ajo?, theksoi Ruçi.

Duke iu drejtuar kandidatëve për Ambasadorë, kreu i deputetëve socialistë tha se nuk ka nevojë për të bërë historinë e Kuvajtit apo Katarit, por duhet të dini ato nevoja që ka Shqipëria.

?Ku jemi?. Thjesht që shënojmë ne CV që kemi qenë 10 vjet ne Arabinë Saudite që kemi bërë shkollën e mesme e të lartë, që kemi mësuar gjuhën kemi mësuar anglishten, arabishten etj. Kjo është e pamjaftueshme! Hajde të krijojmë një universitet këtu , t?iu vëmë të jepni arabisht, në rregull. Ndërsa kur marrim detyrën e përfaqësuesit diplomatik, atëherë jemi përfaqësues atje të këtij vendi dhe duhet të bëjmë punën?, Ruçi.

Në seancë dëgjimore për kandidatë për ambasadorë ishin Edmond Caca, Kandidat për Ambasador i Jashtëzakonshëm e Fuqiplotë i Republikës së Shqipërisë në Shtetin e Katarit, si dhe Ridi Kurtezi, kandidat për Ambasador i Jashtëzakonshëm e Fuqiplotë i Republikës së Shqipërisë në Mbretërinë e Spanjës, rezident, si dhe Ambasador i Jashtëzakonshëm e Fuqiplotë i Republikës së Shqipërisë në Mbretërinë e Marokut dhe në Republikën Islamike të Mauritanisë.

Edmond Caca kandidat për ambasadorë në Shtetin e Katarit vuri theksin në nxitjen e marrëdhënieve midis dy parlamenteve, grupeve të miqësisë Shqipëri-Katar. Caca tha se prioritet kryesor do të kenë investimet katariane në Shqipëri përmes projekteve madhore në fushën e politikës, ekonomisë, bujqësisë, turizmit, kulturë, tregtisë, infrastrukturë. Gjithashtu, Caca tha se shteti i Katarit ka luajtur një rol të rëndësishmë në njohjen e shtetit të Kosovës.

Nga ana tjetër, kandidati për ambasador në Mbretërinë e Spanjës Ridi Kurtezi u shpreh se do të punojë për rivitalizimin e marrëdhënieve politike, intensifikimin e bashkëpunimit ndërparlamentar, zgjerimin dhe rritjen e shkëmbimeve tregtare, si dhe tërheqjen e investimeve spanjolle, në nxitjen e vizitave të ndërsjellta në favor të gjallërimit të bashkëpunimit të marrëdhënieve midis dy vendeve.

Kurtezi, rëndësi të veçantë do të ketë nxitja e bashkëpunimit mes dy vendeve tona në fusha të ndryshme si arsim, bujqësi, tregti, ekonomi, politikë, energjitikë, infrastrukturë. Përsa i përket shtetit të Marokut, Kurtezi u shpreh se gjatë ushtrimit të detyrës së tij do të nxis bashkëpunimin në fushën politike, parlamentare.