E fundit!

14:52 Aktualitet

Masat për sigurinë gjatë sezonit/ Hita: Prioritet parandalimi i krimit

Drejtori i Përgjithshëm i Policisë së Shtetit, Skënder Hit...

Qeveria konsultime për Bankën e Shqipërisë

7 Shtator 2014, 07:52, Ekonomi CNA

Pas arrestimit të Guvernatorit Ardian Fullani ka reaguar edhe qeveria.

Në një njoftim thuhet se kryeministri Edi Rama ka nisur kontaktet me partnerë dhe ekspertë ndërkombëtarë.

Lajmi bëhet i ditur nga zyra e shtypit, sipas së cilës që herët në mëngjes Rama ka patur një sërë telefonatash me partnerë dhe ekspertë ndërkombëtarë të qeverisë dhe me pas një takim me përfaqësuesit e FMN, të cilët i ka garantuar se qeveria është e gatshme të mbështesë prokurorinë e drejtësinë që të çojë deri në fund punën e nisur si dhe të garantojë pavarësinë e BSH, e kapërcimin e kësja situate.

?Mbështetja për prokurorinë e drejtësinë për të kryer deri në fund punën e nisur dhe garantimin e pavarësisë së Bankës së Shqipërisë për të kapërcyer situatën me autoritet të plotë moral e profesional duhet të jenë dy pika të palëvizshme referimi për qeverinë në trajtimin e këtij problemi madhor?, citohet të jetë shprehur Rama.

Deklarata e plotë

Sapo është kthyer nga Samiti i Uellsit Kryeministri Edi Rama ka nisur kontaktet për të diskutuar mbi situatën e re të krijuar me arrestimin e mbrëmshëm të Guvernatorit të Bankës së Shqipërisë.

Që herët në mëngjes ai ka pasur një takim me Kryetarin e Kuvendit, pasuar me një sërë telefonatash me partnerë e ekspertë ndërkombëtarë të qeverisë dhe më pas një tjetër takim me përfaqësuesit e Fondit Monetar Ndërkombëtar.

Mbështetja për prokurorinë e drejtësinë për të kryer deri në fund punën e nisur dhe garantimi i pavarësisë së Bankës së Shqipërisë për ta kapërcyer situatën me autoritet të plotë moral e profesional, duhet e do të jenë dy pika të palëvizshme referimi për qeverinë në trajtimin e këtij problemi madhor.

Kryeministri e Qeveria, në bashkëpunim të ngushtë me Kuvendin e Shqipërisë, do të ndërmarrin me përgjegjshmëri të lartë morale e përgjegjësi të plotë ligjore, të gjithë hapat e nevojshëm që Banka e Shqipërisë të dalë më e fortë moralisht, mw e sigurt institucionalisht, më transparente administrativisht dhe padyshim plotësisht e pavarur, nga një situatw si kjo që nuk duhet të përsëritet më kurrë në të ardhmen.

Kryeministri Edi Rama dëshiron t?i shprehw respektin e mbështetjen e Qeverisë të gjithë teknicienëve tw Bankës së Shqipërisë, aftësitë e spikatura dhe puna e përkushtuar e të cilëve, janë një bazë shumë e sigurt për qëndrueshmërinë e padiskutueshme të institucionit, pavarësisht situatës së krijuar në majën e drejtimit të tij.

Kontaktet e Kryeministrit do të vazhdojnë.