E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

FMN: Stabilizoni të ardhurat, mos akumuloni borxhe

29 Gusht 2014, 10:26, Ekonomi CNA

Fondi Monetar Ndërkombëtar e cilëson një incident të rëndë vjedhjen e 713 milionë lekëve nga Banka e Shqipërisë.

Përfaqësuesi i ri i FMN-së në Tiranë, Jens Reinke thotë se është e rëndësishme që të lejohet që hetimet aktuale të bëjnë punën e tyre.

Në një intervistë për revistën ?Monitor? Shefi i ri FMN-së për Shqipërinë komenton për herë të parë për skandalin dhe rekomandimet e kryetarit të Komisonit të Ekonomisë për ndryshime në ligjin e Bankës së Shqipërisë.

?Ky është një incident i rëndë. Ne jemi informuar se Banka e Shqipërisë dhe agjenci të tjera vendase janë duke marrë masa për t?i shkuar deri në fund zbulimit të asaj që ka ndodhur.

Është e rëndësishme që të lejohet që hetimet aktuale të bëjnë punën e tyre. Kur faktet të jenë të njohura ? dhe gjithnjë nëse ka implikime për Bankën e Shqipërisë, drejtuesit e saj dhe bordin ? është çështje eautoriteteve shqiptare që ta trajtojnë në zbatim të plotë të ligjit.

Ligji i Bankës së Shqipërisë i ka shërbyer vendit mirë duke siguruar që BSH të marrë vendime profesionale lidhur me menaxhimin makroekonomik dhe të stabilitetit financiar, përfshirë këtu gjatë periudhës së vështirë të krizës globale të vitit 2008 dhe më vonë kur sistemi bankar ishte i ekspozuar ndaj presioneve të jashtme. Në të njëjtën kohë, veprime që e forcojnë më tej ligjin e bankës qendrore në raport me mandatin e saj kryesor dhe veprimtarinë operacionale, duke ruajtur pavarësinë e bankës qendrore, do të ishin të mirëpritura.? deklaroi Jens Reinke në intervistën e publikuar dje në faqen online.

Nuk ka plan ?B?

Qeveria është në fazën e parë të hartimit të buxhetit të vitit 2015. I pyetur se cilat do të ishin rekomandimet dhe sa është probabiliteti që të kalohet në skenarin B të rekomanduar nga ju (që përfshinte rritje të disa taksave dhe shtrenjtim të energjisë)? Reinke u përgjigj:

?Më duket se ka një keqkuptim të vjetër lidhur këtë, por më lejoni të theksoj se nuk ka ?plan B?. Zhvillimet fiskale, përfshirë të gjithë zërat e të ardhurave dhe të shpenzimeve si dhe angazhimet për të ardhmen diskutohen gjatë çdo misioni. Politikat janë nën rishikim të vazhdueshëm dhe nëse duhen bërë ndryshime, ato bazohen në faktet më të fundit dhe jo në ndonjë skenar alternativ të hartuar më parë.

Buxheti i 2015 duhet të lejojë një reduktim të vazhdueshëm të borxhit publik, duke i mundësuar qeverisë të investojë dhe të kryejë shërbime, si dhe të sigurojë një fluks të qëndrueshëm të ardhurash.

Kjo do të duhet të arrihet pa akumuluar detyrime të prapambetura të reja. Parashikimet për të ardhurat do të bazohen në parashikimet më të fundit makroekonomike. Rregullime si për planet e shpenzimeve ashtu dhe për taksat do të diskutohen. Në fund fare, qeveria vendos të zgjedhë ndërmjet masave.?