web counter
LEXO PA REKLAMA!

SHKARKO APP

E fundit!

x

FMN rikthehet për financat publike

13 Gusht 2014, 11:43, Ekonomi CNA

Një mision i Fondit Monetar Ndërkombëtar do të mbërrijë në 26 gusht në Tiranë ku në dy javë do të monitorojë situatën ekonomiko-financiare.

Misioni i FMN-së do të analizojë gjithë sistemin e financave publike, ndërsa në qendër të axhendës së takimeve me zyrtarët do të analizohen zhvillimet e fundit makroekonomike, perspektiva e rritjes, bilanci i pagesave, kushtet fiskale, struktura e borxhit dhe parashikimet, qëndrueshmëria e borxhit, diskutimi i strategjisë së menaxhimit të borxhit të brendshëm dhe të jashtëm.

Nevojat për financim afatmesëm, për politikat mbi mbështetjen e investimeve të huaja dhe mënyrat për të reduktuar varësinë nga bankat tregtare, pritet të jenë gjithashtu pjesë e analizave në takimet zyrtare.

Pjesë e axhendës së takimeve të misionit pritet të jenë analiza e treguesve të derisotëm të buxhetit 2014 dhe hartimi i projekt-buxhetit 2015, si pjesë e kontrollit financiar që parashikon gjendjen financiare dhe makroekonomike të ekonomisë shqiptare.





Lajmet e fundit nga