web counter
LEXO PA REKLAMA!

SHKARKO APP

App Store
Google Play

Vjedhja në BSH, guvernatori thirret në Parlament

30 Korrik 2014, 05:50, Ekonomi CNA

Kryetari i Komisionit parlamentar të Ekonomisë, Erion Braçe ka kërkuar paraqitjen të mërkurën në një seancë të posaçme të Guvernatorit të Bankës Qendrore, Ardian Fullani, për të dhënë informacion lidhur me vjedhjen disa miliona dollarëshe nga Thesari.

Mësohet se zoti Braçe ka nisur të martën një shkresë zyrtare, duke shfrytëzuar hapësirat ligjore që parashikojnë varësinë e Bankës nga Parlamenti, si dhe faktin që Inspektori i Përgjithshëm i Bankës Qëndrore, i cili ka për detyrë pikërisht kontrollin e brendshëm, emërohet nga Parlamenti.

Vjedhja në Thesar u denoncua nga vetë Banka, por fakti që punonjësi i saj, Ardian Bitraj, ka rrëfyer se ka tërhequr para në mënyrë të vazhdueshme për katër vjet me radhë, ka ngritur shumë pikëpyetje për funksionimin e mjaft hallkave dhe strukturave të Bankës.

Bitraj ka folur për një sasi lekësh të barasvlefshme me afër 6 milion dollarë, të cilat ai ka deklaruar se i ka shpenzuar në lojëra fati, një variant që për prokurorët duket se nuk është shumë bindës.

Ata kanë urdhëruar verifikimin e pasurive të punonjësit të Bankës si dhe kontrolle në bankat e nivelit të dytë për të parë nëse ka patur transaksione financiare.

Ndërkaq, prokurorët presin që brenda kësaj jave, auditi i Bankës të dorëzojë një raport mbi shumën e saktë të parave të zhdukura.





14:08 Ekonomi

CEZ ka falimentuar

Pas rreth 4 vitesh nën administrimin e tyre, çekët e CEZ e l...

Lajmet e fundit nga