web counter
LEXO PA REKLAMA!

SHKARKO APP

App Store
Google Play

E fundit!

x

Strasburgu kundër qeverisë, mbeshtet ish-pronarët

20 Korrik 2014, 07:28, Ekonomi CNA

Gjykata e Europiane për të Drejtat e Njeriut në Strasburg rrëzoi kërkesën e qeverisë shqiptare për pezullimin e çështjeve nga kjo gjykatë edhe për 18 muajt e ardhshem.

Sipas ABC News, vendimi i gjykatës erdhi vetëm pak kohë pasi qeveria shqiptare me asistencën e zv.ministrit të Drejtësisë, Idlir Peçi bëri të ditur kërkesën për shtyrjen e afatit të shqyrtimit të çështjeve nga kjo gjykatë.

I kontaktuar në telefon, zëvëndësministri Peçi nuk kishte dijeni për këtë vendim, duke u shprehur se me Gjykatën e Strasburgut është në kontakt Avokatura e Shtetit.

Nga ana tjetër Avokatja e Përgjithshme e Shtetit, Alma Hicka, nuk pranoi të prononcohet për pasojat që mund të ketë shteti shqiptar.

Pas kësaj, qeveria shqiptare duhet të paguajë brenda pak muajsh shpërblimin financiar edhe për çështjet e përfshira në vendimin e datës 8 prill 2014 ?Karagjozi dhe të tjerë kundër Shqipërisë?, në një vlerë prej më shumë se 8 milionë euro.

Burime nga Ministria e Financiave deklarojnë se qeveria nuk është në gjendje të paguajë këtë shumë.

Veç kësaj, Gjykata e Strasburgut do të shprehet me vendim edhe për 60 çështje, të cilat ishin pezulluar më herët, për t?i lënë kohë qeverisë shqiptare të gjente zgjidhjen për dhënien e shpërblimit financiar në favor të ankuesve.

Shuma që do të duhet të paguajë shteti shqiptar pas vendimeve të tjera pritet të jetë dhjetëra milionë euro.

Kjo situatë do të vështirësojë pozitën e qeverisë shqiptare, e cila aktualisht nuk është në gjendje të paguajë vlera të tilla të konsiderueshme.

Në këto kushte, qeveria duhet të kërkojë burime financimi ose do të detyrohet që të paguajë me këste, duke u ngarkuar edhe me interesa penalizuese.





Lajmet e fundit nga